الس نا زند اٹی ہروڑ نا آسراتی اتنگ کن سنبرینگوک و متاماری کننگ اُن، شبلی فراز

اسلام آباد۔ 13 دسمبر (اے پی پی) بنجائی وزیر حوالکاری سینیٹر شبلی فراز پارینے کہ الس نا زند اٹی ہروڑناآسراتی اتنگ کن پرعزم و متاماری کننگ اُن۔ بورہ نا نہاد اٹی کمتی عمران خان نا نیزگار آتے ریلیف تننگ نا پیدوار درشانی ءِ۔ یک شنبے نادے آ تینا ٹویٹ اٹی بنجائی وزیر سینیٹر شبلی فراز پارینے کہ کورونا دین آن پد ہم عمران خان نا پامدار حکمت عملی نا سوب آن پاکستان نا زرگزران و روزگار رواں و انسانی زند رکھ مس۔ اوپارے کہ چیلنج آتیان پد ہم پاکستان نا زرگزرانی ٹک آک مثبت ءُ، مالی سال انا اولیکو ششماہی ٹی ترسیلات زر اٹی 27 درسد، درملکی براہ راست زرکاری ٹی 150 درسد و سیمنٹ نا پیداوار اٹی 17 درسد ودکی مس۔ نومبر اٹی کار سیل اٹی 68 درسد ودکی مس۔ ٹیکٹر، موٹرسائیکل آتا بہا کننگ اٹ پیدوار ودکی مس۔ اوپارے کہ وزیراعظم عمران خان نا کماشی ٹی حکومت الس نا روشنا آخبت کن کوشست کننگ ءِ، شونداری نا دا سفر رفتار اتون برجاسلک۔