اسلام آباد۔ 13 دسمبر (اے پی پی) پارلیمانی کشمیر کمیٹی نا چیئرمین شہریار آفریدی پارے کہ لاہور نا الس اینو مسترد مروک کرپٹ سیاست دان تا بائیکاٹ کراس اوفتے عبرت نا نشانہ جوڑ کیرہ۔ چیئرمین کشمیر کمیٹی شہریار خان آفریدی اسلام آباد اٹی میڈیا تون گپ وتران کرسا پارے کہ اینو سیاسی نوٹنکی ءِ مسترد کرسا الس وزیراعظم عمران خان نا تدبر و بصیرت ءِ پک کیرہ۔ شہریارخان آفریدی پارے کہ پی ڈی ایم نا پن آ جمع مروک آ شرپسند مستین اٹ اسہ ایلو ءِ دُز مننگ آ وطن فروش و الس دشمن پارسا کریر۔ ولے اینو ہندا سیاسی ٹھگ آک تینا تینا دُزی نا مال ءِ بچفنگ کن یکجا مسنو، الس 2018 ء آنبار دا وار ہم اوفتے شکست ایترہ۔ شہریار خان آفریدی پارے کہ نیکٹا نا تھریٹ الرٹ آن پد ہم مسترد مروک آ سیاست دان تا ٹولہ تینا سیاسی فائدہ غاتا دوئی کننگ کن لاہور نا الس نا زند اتون گوازی کننگ اٹ لگوک ءُ۔ نا گمانی حالیت آتا غٹ تر زمواری پی ڈی ایم نا سرکڑدہ غاتیا مریک، اسہ کنڈآ بھارتی غیر کانودی کوزی گیر فوج لین آف کنٹرول آ سیز فائر معاہدہ نا پاش آن پاش خلاف ورزی ءِ کراس کودک کشمیری تیا بمباری کننگ ءِ و ننابہادر فوج دشمن نا مقابلہ ءِ کننگ ءِ۔ شہریار خان آفریدی پارے کہ داوڑنا حالیت آتیٹی منہ دُز لٹ و پل کروک سیاست دان پی ڈی ایم نا لویس اٹ ڈکسا لانگ مارچ انا پن آ ملک اٹ پھسات نا ڈٹ کننگ ءُ۔ چیئرمین کشمیر کمیٹی شہریار آفریدی پارے کہ حکومت و الس کورونا کون آ عفریت نا مقابلہ ءِ کننگ اٹ یکجاءُ۔ ولے مفاد پرست سیاست دان تا ٹولہ تینا دُزی نا مال ءِ بچفنگ کن الس ءِ کاریم اٹ اتنگ خوارہ۔ اوپارے کہ پاکستانی قوم دا مفاد پرست آتے قومی فائدہ غاتون گوازی کننگ نا موکل تننگ کپک۔
