اسلام آباد۔ 13 دسمبر (اے پی پی) محکمہ موسمیات پارینے کہ بروک آ 24 گھنٹہ ٹی اسلام آباد تون اوار پنجاب و ملک انا ایلو علاقہ غاتیٹی موسم یخ و خشک وخت اس کہ قطبی علاقہ جات و قطبی بلوچستان اٹی موسم بھاز یخ مریک۔ داٹی بڑزکو خیبرپختونخوا ٹی منہ ہند آتیا زرس پِر و پنجاب نا میدانی علاقہ و بڑزکو سندھ اٹی سہب و شام انا وخت آ گوتلو مننگ نا گمان ءِ۔ محکمہ موسمیات نا رداٹ تدوک آ 24 گھنٹہ ٹی اسلام آباد، بڑزکو خیبرپختونخوا، خطہ پوٹھوہار، گلگت بلتستان و کشمیر اٹی پِر و مش تیا برف مس وخت اس کہ ملک انا ایلو علاقہ غاتیٹی موسم یخ و پِرکتو۔ غٹ آن زیات پِر کشمیر، گڑھی دوپٹہ36، مظفر آباد34، راولاکوٹ28، خیبرپختونخوا، بالاکوٹ 25، کاکول9، مالم جبہ 8، کالام 6 پٹن4، چترال ، دیر، سیدو شریف 3، بنوں، دروش اسٹ، پنجاب، اسلام آباد زیروپوائنٹ3، سیدپور، بوکرہ اسٹ، مری اسٹ، گلگت بلتستان، بگروٹ اٹی اسہ ملی میٹر پِر ریکارڈ کننگا۔ داٹی مالم جبہ 4، کالام 3 و مری ٹی اسہ انچ برف ہم ریکارڈ کننگا۔ رپورٹ نا رداٹ کم آن کم درجہ حرارت، زیارت منفی 8، قلات، لہہ منفی 7، پاراچنار، کالام منفی 5، گوپس، استور، کوئٹہ منفی 4، بگروٹ، مالم جبہ و اسکردو منفی 3 ڈگری سینٹی گریڈ ریکارڈ کننگا۔
