اسلام آباد۔12دسمبر (اے پی پی): مزن وزیر عمران خان ءَ گوشت کہ پاکستان کلین انرجی ءِ نیمگ ءَ رھادگ انت، 2030 ءَ تاں ھواریں انرجی ءِ 60 درسد  رسانک در آناں کلین انرجی ءُ 30 درسد گاڑی آناں  توان ءِ سر ءَ ٹرانسفر کنگ ءِ ھد ءُ ابیل  گیشینتگ انت، پاکستان ایٹماسپئر ءِ مٹ ءُ بدلی ءِ  پد ءَ پیرس منوگری آنی پنچمی سالروچ ءِ درگت ءَ  میاں اوستمانی ورچوئل سمٹ ءَ گوں  شمبے ءِ روچ ءَ گشتانک دیان ءَ کت۔  مزن وزیر عمران خان ءَ گوشت کہ پاکستان ءِ ایٹماسپئر  ءِ  ھرابی ءِ  یک بھر ءِ یک درسدے ءَ چہ کمتر انت پدا ھم اے گپ لائک ءِ اپسوزی انت کہ پاکستان ایٹماسپئر ءِ  ھرابی ءَ چہ درستاں چہ گیش آماچ بوھوکیں ملک آنی لڑ ءَ پنچمی ملک انت۔ مزن وزیر ءَ گوشت کہ درستاں چہ  پیسر  ما  اے پیسلہ کتگ کہ موسمی مٹ ءُ بدلی ءِ  رند پد آنی گیواری ءِ وستہ کدرتی  آسراتی آناں کامردم  بکن آں، اے رد ءَ ما آیوکیں سئے سال ءَ 10  ارب درچک کشگ ءَ آں، ما نیشنل پارک ءُ   ساپیں دمگ  آنی کساس  آناں گیش ودینان ءَ 30 ءَ چہ  45 ءَ برتگ انت۔ ایشی ءَ ابید ما اے پیسلہ کتگ کہ اشکر ءِ مٹ ءَ آپ  ءَ  چہ توان ءِ پیداوار ءِ سر ءَ دلگوشی  داتگ،  ما اشکر ءَ چہ چلوکیں انرجی ءِ دو منصوبگ آناں ھلاس  کتگ،  ایشانی تہ ءَ 2600 میگاواٹ توان  رسگی بوتگ۔  ما ہائیڈرو الیکٹروسٹی ءِ سر ءَ ٹرانسفر  کتگ۔ مزن وزیر ءَ گوشت کہ  پاکستان کلین انرجی ءِ نیمگ ءَ رھادگ  انت۔ 2030 ءَ تاں ھواریں  انرجی ءِ 60 درسد ءَ  را کلین انرجی ءُ لائک ءِ مٹ بوھوکیں انرجی ءِ سر ءَ ٹرانسفر  کنگ ءِ ھد ءُ ابیل است انت۔ 2030 ءَ  تاں  30 درسد گاڑی آناں توان ءِ سر ءَ ٹرانسفر  کنگ ءِ ھد ءُ  ابیل گیشینگ  بوتگ۔ پاکستان ایٹماسپئر ءِ مٹ ءُ بدلی ءِ رند پد آنی  گر ءُ دار ءِ واستہ توامیں   استیں  گامگیج  آناں کارمرد  کنت۔