اسلام آباد۔12دسمبر (اے پی پی): میاں استمانی سروک آں مزن تکی کلائیمیٹ ایکشن سمٹ ءَ مھکمیں جار ءُ موسمی مٹ ءُ بدلی ءِ رند پد آں گوں گر ءُ چیل بوھگ ءِ واستہ گامگیج آنی بابت ءَ مزن وزیر عمران خان ءِ چمشانک ءَ را وش اتک کت۔ مزن وزیر میڈیا کارگس ءِ نیمگ ءَ جاڑی بوتگیں بیان ءِ رد ءَ مزن تکی سروکی کانفرنس ءَ موسمی مٹ ءُ بدلی ءِ رند پد آں گوں گر ءُ چیل بوھگ ءِ وستہ 10 میاں اوستمانی سروک آنی تہ ءَ مزن وزیر عمران خان ھم ھوار انت۔ آواناں اے جیڈھ ءِ سر ءَ ھیال ریچی ءِ ھاترا گچین کنگ بوتگ انت۔ کانفرنس ءِ میزبانی برطانیہ ءَ ءِ حکومت ءَ کت اے وھد ءَ میاں اوستمانی مٹ ءُ بدلی ءَ گوں سول ءُ تران ءِ کار بوھگ ءَ انت۔ مزن وزیر میڈیا کارگس ءِ نیمگ ءَ جار ءِ رد ءَ مزن وزیر عمران خان ءَ اے موہ ءِ سر ءَ موسمی مٹ ءُ بدلی ءِ رند پد آں گوں گر ءُ چیل بوھگ ءِ واستہ پاکستان ءِ مھکمیں ءُ جوانیں جزم ءِ درشان کت ءُ گوشت کہ پاکستان ءِ ایٹماسپئر ءِ ھرابی یک درسد ءِ بروبرئی ءَ چہ کم تر انت پدا ھم اے گپ اپسوزی انت کہ پاکستان ایٹماسپئر ءِ ھرابی ءِ درستاں چہ گیشتر آماچ بوھوکیں ملک آنی لڑ ءَ پنچمی نمبر ءَ انت۔ اے راجدپتری جار ءُ گواچنی چست ءُ ایر آنی سبب ءَ مزن وزیر ءِ موسمی مٹ ءُ بدلی ءِ رند پد آنی گوما گر ءُ چیل بوھھگ ءِ دلیریں ءُ مھکمیں گشتانک ءَ میاں استمانی سروک آنی اے دیوان ءَ وش اتک ءُ توسیپ کنگ بوت۔
