اسلام آباد۔12دسمبر (اے پی پی): بنجاھی وزیر برائے اھوالکاری ءُ شنگ کاری سینیٹر شبلئی فراز ءَ گوشت کیہ حکومت اپوزیشن گل آنی نیمگ ءَ این آر او گرگ ءِ واستہ زورراکی ءُ ھوپ ءُ ترس ءِ آماچ نہ بیت، اے مردم وتی لچڈی ءُ ناکامی آنی گوما دیم پہ دیم بنت، اپوزیشن جتا جتائیں پندل کارمرد کنان ءَ حکومت ءَ را بلیک میل کنگ ءِ کوشست کنگ ءَ انت، اے مردم استپا آنان سیاسی پندل آنی نمونگ ءَ کارمرد کنگ ءَ انت بلے ھک ءُ دل نہ انت، حکومت ھمک راجی ایشو ءِ سر ءَ اپوزیشن ءِ گوما ڈئیلاگ کنگ ءِ واستہ تہار انت بلے لٹ ءُ پل کنوک آنی ھلاپ ءَ کیاسگری ءِ جیڈھ آنی سر ءَ اچ رنگیں یلوئی نہ کنت۔ شمبے ءِ روچ ءَ جندی ٹی وی چینلے ءَ گوں تران کنان ءَ آئی ءَ گوشت کہ کورونا ءِ دومی فیز ایش کہ پیسر ءَ چہ گیش بیم ءُ ترس ناک انت اے ساھت ءَ اپوزیشن ءِ کرا مچ ءُ میڈی کنگ ءِ اچ اخلاقی پسو نیست انت، اپوزیشن اے سکیں ساھت ءَ مردم آنی زندمان آناں بیم آنی وڈالیگ کنگ ءَ انت، میاں اوستمانی دگنیا ءِ برات مچ ءُ میڈی کنگ ءَ مکن کنگ ءَ انت۔ آئی ءَ گوشت کہ ھوپ ءِ گر ءُ دار ءِ واستہ این سی او سی ءِ پیسلہ آنی پد ءُ رند کنگ مئے درستانی یکجائی زمہ واری انت ھمے ھاترا درستاناں رکھینگی رھبند آناں وتی کنگی انت۔
