اسلام آباد۔11دسمبر (اے پی پی): مزن وزیر عمران خان ءَ گوں گورنر پنجاپ چوہدری محمد سرور ءَ گند ءُ نند کت ایشی ءِ اندر ءَ پنجاپ آب پاک اتھارٹی ءُ کپاس ءِ کشار ءِ گہتری ءِ واستہ دیمروئی گامگیج آنی سر ءَ سرجمیں گپ ءُ تران کنگ بوت۔ مزن وزیر کارگس ءِ میڈیا ونگ ءِ رد ءَ مزن وزیر ءَ “آب پاک ” ءِ چیر دستی ءَ مردم آناں ورگی ساپیں آپ ءِ پجاری ءَ را دل یکیمی جوڑ کنگ ءِ پنت ءُ شون کت۔ مزن وزیر ءَ را سرپد کت کہ اے منصوبگ ءِ سر ءَ کار جنوری 2021 ءَ چہ بندات بوھگ ءَ انت۔ گورنر پنجاپ چوہدری سرور ءَ مزن وزیر ءَ را کپاس ءِ کشار ءِ ھوالگ ءَ گہتری کار آنی بابت ءَ سرپد کنان ءَ گوشت کہ گورنر پنجاپ ءُ سر وزیر پنجاپ ءِ سروک ءَ توامیں سٹیک ہولڈر آناں دل یکیمی ءَ گران ءَ یک جوانیں گامگیج ءِ رد ءُ بند کنگ بوتگ۔ جوانیں پُکی ءِ توم ءِ پیداوار ءَ را گیش ودینگ ءَ کلیتی بستار ءِ دار ایت ایشی ءِ چیر دستی ءَ جوانیں پیسٹیسائیڈ ءِ پجاری ءَ را دل یکیمی جوڑ کنان ءَ کپاس ءِ کشار ءِ پیداوار ءَ را ودینگ بیت۔
