اسلام آباد۔11دسمبر (اے پی پی): مزن وزیر عمران خان ءَ گوشت کہ معاشی برجائی ءِ برورد آنا ں زوت لس مردم آں تاں پجارینگ ءِ واستہ اول سرئی بنیات ءَ گامگییج چست کنگ بہ بیت، آ آدینگ ءِ روچ ءَ وتی سروکی ءَ حکومتی معاشی ٹیمب ءِ دیوان ءَ گوں گشتانک دیگ ءَ ات۔ آدینگ ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑٖی بوتگیں بیان ءِ رد ءَ دیوان ءَ بنجاھی وزیر ھزانگ عبدالحفیظ شیخ ، شمیر عبدالرزاق دائود ، ڈاکٹر عشرت حسین ، ھاسیں کمکار ندیم بابت ءُ وقار مسعود ءَ ابید سیادی داروکیں اپسرگ آں بھر زوری کت۔ دیوان ءَ مزن وزیر ءَ را ملک ءِ گہتر بوھوکیں معاشی جاور ھال آنی سر ءَ سرجمیں بریفنگ دیگ بوت۔ مزن وزیر ءَ را گوشگ بوت کہ گوزوکیں مالی سال پرائمری بیلنس ءَ سرپلس، ایف بی آرت ءِ ریکورئی ءَ 5 درسد گیشی، کرنٹ اکائونٹ سرپلس 1.2 ارب ڈالر، ڈن ملک ءَ چہ شنگ ءُ تالان ءِ تہ ءَ 27 درسد گیشی، یک شل ءَ ڈن ملکی سرمایہ کاری ءَ 9.1 درسد گیشی، اسٹیٹ بنک ءِ امبار 13.4 ارب ڈالر ءُ ھاسیں رنگ ءَ مزنیں کساس ءَ صنعت، آٹو انڈسٹری ءُ فرٹیلائیزر انڈسٹری ءِ پیداوار ءِ تہ ءَ مزنیں کساس ءَ گیشی بوتگ۔ گیش ایش کہ پاکستان ءِ سمارٹ لاک ڈائون پالیسی ءِ بدولت ءَ کرونا وائرس ءِ ھوپ ءِ اولی فیز ءَ پاکستان ءَ را ایندگر دگنیا ءِ رد ءَ کمو تاوان ءِ گوما دیم پہ دیمی بوتگ ایشی سرجمیں دگنیا توسیپ ءَ کنگ ءَ انت۔ مزن وزیر عمران خان ءَ اے گپ ءِ سر ءَ زور پر دات کہ معاشی برجائی ءِ برورد آناں زوت لس مردم آں تاں پجاری ءِ واستہ اول سرئی بنیات ءَ گامگیج چست کنگ بہ بیت۔
