اسلام آباد۔10دسمبر (اے پی پی): مزن وزیر ءِ ھاسیں کمکار برائے گریبی ءِ گر ءُ دار ءُ گہبودی پرگروگرام ڈاکٹر ثانیہ نشتر ءَ گوشت کہ آیوکیں سئے ماہ آنی ساھت ءَ اولی احساس سنٹر پچ کنگ بیت ایشی ءِ رد ءَ ون ونڈو ءِ آسراتی پجاری کنگ بیت۔ آ پنچ شمبے ءِ روچ ءَ ادا پی آئی ڈی ءَ “احساس پروگرام ! سروکی ءِ سیاست ءَ چہ کار کردی ءِ سیاست ءِ نیمگ ءَ ٹرانسفر” ءِ بن گپ ءِ سر ءَ جاڑی بوتگیں سرمائیکل باربر ءِ رپوٹ ءِ بنگیج ءِ موہ ءَ پریس کانفرنس ءَ گوں گشتانک دیان ءَ کت۔ اے موہ ء، سر ءَ بنجاھی وزیر اھوالکاری ءُ شنگ کاری سینیٹر شبلی فراز ھم اے موہ ءِ سر ءَ ساڑی ات وھدیکہ سر مائیکل بابر ءَ ویڈیو لنک ءِ وسیلگ ءَ ھم گشتانک دات۔ ھاسیں کمکار ڈاکٹر ثانیہ نشتر ءَ گوشت کہ اے ڈیلیوری ایسوسی ایٹس ءِ یک ٹوھیں ءُ وھد ءُ موہ ءِ سر ءَ پیش بوھوکیں رپوٹ ات ایش مارا وتی اولی سالے احساس پروگرام ءِ کامیاتی آنی سر ءَ چار ءُ بچار کنگ ءَ کمک کنت ءُ یک شلیں کامیاتی ءِ کشک ءَ ساپ ءُ سلہ کنگ انت۔ آئی ءَ گوشت کہ اے چار ءُ بچار ءَ چہ مارا پاکستان ءَ گریبی ءِ ھلاس کنگ ءِ وتی مول ءُ مراد ءُ وتی توامیں بزگریں مردم آناں ازمت کنگ ءِ پجاری ءَ گہتری آرگ ءِ سر ءَ دلگوش کنگ ءَ کمک کنت انت، امیت انت کہ احساس دگنیا ءِ واستہ نمونگ سہرا بوت کنگ انت۔ آئی ءَ گوشت کہ ڈیلیوری ایسوسی ایٹس برطانیہ ءَ انت ءُ 40 سال ءَ چہ گیش ملک آنی حکومت آنی سروک آںی گوما یکجائی ءَ کار کن انت۔ اے حکومت ، السی ادارگ ءُ ایندگر گل آنی گوما شریکداری بنیات آنی سر ءَ کار کن انت۔ دگنیا ءِ بیست جتا جتائیں ملک آنی ٹیمب ھما بیست ءُ چار جتا جتائیں راج نماھندگی ءَ کن انت ءُ ایشانی تہءَ بیست جتا جتائیں زبان آں تران کنت۔ آئی ءَ گوشت کہ احساس پروگرام یک انچیں پروگرام ات کہ ایشی وسیلگ ءَ بازیں پروگرام چلگ ءَ انت ءُ اے توامیں پروگرام آنی مول ءُ مراد بزگر آناں تاں آوانی ھک رسانی پجارینگ انت۔ آئی ءَ گوشت کہ لائک ءِ ستائیں گامگیج آںی تہ ءَ احساس کفالت ھوار انت، ایش لکھانی گریبیں زالبول آناں مالی کمک پجاری کنت۔ احساس انڈر گریجویٹ اسکالر شپش ایشی ءِ چیر دستی ءَ یک سالے ءَ پشمندگیں تبک ءَ گوں سیادی داروکیں نودبرد آناں 50000 ءَ چہ گیش سکالرشپس دیگ بیت ءُ احساس نشوونما ایش جان سلامتی ءُ وردن ءُ وراک ءِ پجاری ءِ ھاترا مالی کمک پجاری کنگ ءِ پروگرام انت۔ آئی ءَ گوشت کہ رپورٹ احسا پروگرام ! سروکی ءِ سیاست ءَ چہ کار کرد ءِ سیاست ءِ نیمگ ءَ ٹرانسفر حکومت ءِ فلیگ شپ پروگرام احساس ءِ اولی سال ءِ چار ءُ تپاسی ءَ پیش کنت انت۔ اے پروگرام ءَ را ساپ ءُ سلہ، ٹوھ ءُ شاھیگانی ءُ آسریگیں جوڑ کنگ ءِ واستہ بندات کتگیں گامگیج آنی اکس پیش داران ءَ ایش مرچگیں دور ءِ لستیں ٹوھیں کامیاتی ءِ سر ءَ چمشانک دنت۔
