اسلام آباد۔10دسمبر (اے پی پی): مزن وزیر عمران خان ءَ گوشت کہ کورونا ءِ جاور ھال آناں راج ءِ بستار ءَ دیم پہ دیمی کنگی انت، گیش بوھوکیں سرتی ءِ گوما کورونا ھم گیش شنگ ءُ تالان بوھگ ءِ بیم ءُ ترس انت، مچی ءُ جاک ءُ کوکار کنوک الس ءِ جان آناں بیم آنی وڈالیگ کنگ ءَ انت، مُچ ءُ میڈی دو ماہ ءَ چہ پد بوت کنت، مچ ءُ میڈی ءَ چہ حکومت ءِ تہ ءَ اچ پرک ودی نہ بیت، پی ڈی ایم مچی آنی سبب ءَ ملتان ءَ 64 ءُ پشاور ءَ 40 درسد کورونا ءِ مریض آنی واستہ ہسپتال آنی تھت پُر بوتگ انت، وھد ءِ گیش مردم یکجاہ بیت گڈا کورونا ترندی ءَ گوں شنگ بیت، الس رکھینگی رھبند وتی بکن انت ءُ وتارا کورونا ءَ چہ بہ رکھین آں۔ اے ھیالانی درشانی آئی ءَ پنچ شمبے ءِ روچ ءَ ادا کورونا ءِ جاو ھال آنی بابت ءَ راجی رابطہ کمیٹی ءِ دیوان ءَ چہ پد میڈیا ءَ گوں تران کنان ءَ کت۔ اے موہ ءِ سر ءَ بنجاھی وزیر منصوبگ بندی، دیمروئی ءُ گہتری کار اسد عمر، بنجاھی وزیر اھوالکاری ءُ شنگ کاری سینیٹر شبلی فراز، مزن وزیر ءِ ھاسیں کمکار برائے جان سلامتی ڈاکٹر فیصل سلطان، بنجاھی وزیر برائے صنعت ءُ پیداوار حماد اظہر، مزن وزیر ءِ ھاسیں کمکار برائے گریبی ءِ ھلاس کنوک ڈاکٹر ثانیہ نشتر ھم اے موہ ءِ سر ءَ ساڑی ات۔ مزن وزیر عمران خان ءَ گوشت کہ کورونا ءِ دومی فیز ءَ را راجے ءِ بستار ءَ یک مشت بوھان ءَ رکھینگی رھبند آنی گوما دیم پہ دیمی کنگی انت، اگاں رکھینگی رھبند آناں وتی کنگ نہ بوت گڈا ہسپتال آنی تہ ءَ کورونا ءِ مریض آنی کساس گیش ود انت ءُ آھودا گیش مریض آنی واستہ جاھ نہ بچ ایت۔ ملتان ءَ پی ڈی ایم ءِ مچی بوت گڈا آھودا 64 درسد نپاد کورونا ءِ مریض ءَ چہ پُر بوتگ انت وھدیکہ 40 درسد نپاد مریض آں چہ پُر بوتگ انت، اسلام آباد ءَ کساس 50 درسد انت وھدیکہ سرجمیں ملک ءَ کساس 40 درسد کورونا ءِ مریض آنی واستہ نپاد ءُ وینٹی لیٹرز مریض اتکگ انت، سرتی گیش بوھگ ءَ انت ، وھد ءِ مردم گیش مچ بنت گڈا کورونا شنگ ءُ تالان بیت بلے پچیں پڑ ءَ ایشی شنگ ءُ تالان ءِ بیم کم بنت، بند جاہ ءَ جراثیم ترندی ءَ گوں شنگ ءُ تالان بنت، مرچی اگاں سرجمیں ملک ءَ ایش جاور ھال انت گڈا 40 درسد نپاد آنی سر ءَ کورونا ءِ مریض اتکگ انت گڈا ایشی ءَ چہ اندازگ جنگ بیت کہ ھمے کساس ءَ کورونا ءِ مریض گیش ودان بوت انت گڈا دومی فیز ءَ مئے ہسپتال ءَ پُر بنت، امریکہ ، یورپ ءَ ھمے رنگیں جاور ھال آنی گوما دیم پہ دیمی انت ءُ آوانی کرا گیش آسراتی ھم است انت، اگاں آھوادا ہسپتال پر انت گڈا مئے جاور ھال سک باز مشکل بنت۔ آئی ءَ گوشت کہ ایش ھما وھد انت کہ وھد ءِ سرجمیں راج یک مشت بہ بیت رکھینگی رھبند آناں وتی بکنت، درستاں چہ مستریں کار ماسک پر کنگ بہ بیت چیا کہ ماسک پر کنگ ءَ چہ کورونا ءِ جراثیم شنگ ءُ تالان بوھگ ءِ اوست سک باز کم بنت۔ آئی ءَ گوشت کہ وھد ءِ کہ مالوم داری است انت کہ مردم آنی مُچ ءُ میڈی ءَ چہ کورونا ءِ شنگ ءُ تالان بیت گڈا سیاسی گل آں ھوار درست آں گوں دزبند انت کہ مچی ءُ میڈی مکنت ات ایشی ءَ چہ حکومت ءَ را اچ پرک نہ کپ ایت۔ مزن وزیر ءَ گوشت کہ سوری ہال ، سکول ءُ ریستورنٹ بند کتگ انت، عالم آں گوں تران کتگ کہ آ یک نیمگ ءِ شما مسیت آنی تہ ءَ رکھینگی رھبندآناں وتی کنگ ءِ واستہ گوش اِت گڈا دومی نیمگ ءَ مچی ءُ میڈی بوھگ ءَ انت، سرجمیں دگنیا ءَ کورونا ءِ دومی فیز ءَ ایس او پیز آنی پد ءُ رند کنگ سک مشکل بوتگ، یورپ ءَ ھم مردم نوں گہگیری کناں ءُ ایس او پیز آنی پد ءُ رند کنگ ءَ نوں آواں دم بُرتگ۔ مرچی انگلینڈ ءُ کیلی فونیا ءَ سرجمیں لاک ڈائون انت، من وا وتی ملک ءَ لاک ڈائون ءَ چہ رکھینتگ بوتگ چیا کہ ایشی ءَ چہ بزگر ءُ مزور ءُ گریب درستاں چہ گیش آماچ بنت، ھمے واستہ المی انت کہ ما وتارا کورونا ءَ چہ بہ رکھین آں ءُ ایس او پیز آنی پد ءُ رندی ءَ بکن آں، وھد ءِ اولی فیز اتکگ بوتگ گڈا اللہ پاک ءِ لک لک شگر انت کہ ما رکھ اتگ آں، سرجمیں راج ءَ یکجائی ءَ رکھینگی رھبند آنی پد ءُ رندی کتگ بوتگ ءُ ڈسپلین ءِ درشان کتگ بوتگ، بھارت ءَ یک لکھ ءُ پنجاھ ہزار ءَ چہ گیش مردم بیران بوتگ انت، ایران ءِ جاور ھم سک باز نہ گیگ انت ۔ ھمے جاور ھال آنی رد ءَ وتی کمک وت کنگی انت ءُ توامیں مردم رکھینگی رھبند آناں پد ءُ رند بکن انت۔ مچی میڈی ءَ چہ من ءَ اچ رنگ ءَ پرک نہ بیت بلے ایش مردم آنی جان آنی گوما لیب کنگ ءَ انت ءُ مردم آںی جان آناں بیم آنی وڈالیگ کنگ ءَ انت۔ سرجمیں دگنیا ءَ سرتی ءَ کورونا ءِ دومی فیز اتکگ، کورونا ءِ جاور ھال آں چہ مئے ڈاکٹر، نرس ، بزرگ شہری آنی واستہ جیڈھ پیداک ب بوتگ انت ءُ ھما مردم آناں اچ نادراھی است آوانی سر ءَ دبائو کپ ایت، اے درستیں چیز آں چہ رکھگ ءِ واستہ راج ءَ گوں اپیل کناں کہ رکھینگی رھبند آناں وتی بکن ات۔
