اسلام آباد۔10دسمبر (اے پی پی): مزن وزیر عمرن خان ءَ گوشت کہ ہائوسنگ منصوبگ آنی انتظامی منظوری ءِ کار زوت سرجم کنگ بہ بیت، جوڑیشت ءِ گوما ایٹماسپئر ءِ رکھینگ ءِ ھاسیں ھیال داری کنگ بہ بیت، اے ھیالانی درشانی آئی ءَ راجی رابطہ کمیٹی برائے ہائوسنگ، جوڑیشت ءُ ڈیویلپمنٹ ءِ ھمک ھپتگی دیوان ءِ سروکی ءَ کنان ءَ کت۔ دیوان ءَ مزن وزیر ءِ مشیر برائے ادارگ آںی گہتری کار ڈاکٹر عشرت حسین ، مزن وزیر ءِ ھاسیں کمکار برائے سیاسی رابطہ ڈاکٹر شہباز گل، ھاسیں کمکار برائے کٹ ڈاکٹر وقار مسعود ، ھاسیں کمکار برائے زر ءَ آدیم پاکستانی ءُ سیل ءُ سواد ذولفقار عباس بخاری، ھاسیں کمکار برائے موسمی مٹ ءُ بدلی ملک امین اسلم، گورنر اسٹیٹ بینک رضا باقر، چیئرمین نوکیں پاکستان ہائوسنگ ءُ ڈیویلپمنٹ اتھارٹی لیفٹیننٹ جنرل (ر) انور علی حیدر، چئیر مین ایف بی آر ءُ کلانہ ایں اپسرگ شریک اتنت۔ دیوان ءَ ویڈیو لنک ءِ وسیلگ ءَ صوبائی چیف سیکرٹریز ءَ بھر زوری کت۔ چیف سیکرٹریز آں صوبگ آنی تہ ءَ انوگ ءَ تاں منظور بوھوکیں منصوبگ آنی بابت ءَ سرجمیں بریفنگ دات۔ چیئرمین ایف بی آر ءَ ہائوسنگ منصوبگ آنی رجسٹریشن ءِ بابت ءَ سرپد کت ءُ گوشت کہ جوڑیشت ءِ شوبگ ءَ را پیسر ءَ چہ صنعت ءِ درجگ دیگ بوتگ ءُ ٹیکس ءِ رد ءَ ایندگر آسراتی گون انت۔ سیکرٹری پٹرولیم ءَ دیوان ءَ را ہائوسنگ منصوبگ آناں گیس ءِ پجاری ءِ کار رپک ءِ بابت ءَ سرپد کت۔ مزن وزیر ءَ اے گپ ءِ سر ءَ زور پر دات کہ ہائوسنگ منصبوگ آنی انتظامی منظوری ءِ کار زوت سرجم کنگ بہ بیت۔ مزن وزیر ءَ گوشت کہ جوڑیشت ءِ ھواری ءَ ایٹماسپئر ءِ رکھینگ ءِ ھاس ھیال داری کنگ بہ بیت۔
