اسلام آباد۔ 10 دسمبر (اے پی پی) فیڈرل بورڈ آف ریونیو (ایف بی آر) وضاحت کرینے کہ خراج تروک آتے ودکی مروک تاریخ نا گدرینگ انگ آن پد ہم کانود نا رداٹ سالانہ انکم خراج گوشوارہ داخل کننگ ناموکل ءِ۔ پنچ شنبے نادے آ داڑے جاری بیان اٹی ترجمان ایف بی آر پارے کہ خراج تروک اخس کہ زوت مننگ کے تینا خراج گوشوارہ غاتے داخل کیر انتئے کہ ہُرے اٹ گوشوارہ فائل کروک آڑآ کانودا جرمانہ ہم ہموحساب اٹ مریک۔ یات سلے کہ ایف بی آر خراج تروک آتا آسراتی کن 8 دسمبر آن پد ہم بیدس جرمانہ انکم خراج گوشوارہ داخل کننگ نا موکل تسوسس ہراڑکن آن لائن یا مینوئل وڑوڈول اٹ تعلقدار فیلڈ دفتر ءِ تاریخ اٹ ودکی دوئی کننگ کن 8 دسمبر اسکان درخواست جمع کرفنگ المی ئس۔ فیلڈ دفتر آتے خصوصی پارت جاری کننگاسس کہ خراج تروک آتے ہروڑنا آسراتی تننگے تانکہ خراج تروک وخت آ تینا خراج گوشوارہ ءِ داخل کننگ کے۔ داکان بیدس خراج گوشوارہ داخل کننگ نا اہل مننگ آن پد ہم گوشوارہ داخل کپروک آتا برخلاف کانود نا رداٹ زوت کارروائی نا بناءِ کننگک۔
