اسلام آباد۔ 10 دسمبر (اے پی پی) بنجائی وزیر حوالکاری و شینکاری سینیٹر شبلی فراز پارینے کہ اینو مچ آ دنیا ٹی انسانی حق انا جہانی دے ءِ اڈترسا اونا علمبردار آتے دامان جنت نظیر اٹ بے گناہ انسان آتون روا بدترین بیدادی، و اوفتا بنداوی حق انا بھلا لتاڑتا نئے بیرہ دمدستی نوٹس ءِ ہلے بلکن بھارت و کوزہ گیر بھارتی فوج ءِ اوفتے اوفتا کروک نا سزا تننگ کن عملی گام گیج کروئی مریک۔ پنچ شنبے نادے آ تینا ٹویٹ اٹی بنجائی وزیر سینیٹر شبلی فراز پارے کہ مقبوضہ جموں و کشمیر 5 اگست 2019 آن دنیا نا غٹ آن بھلا زندان نا منظر ءِ پیش کننگ ءِ۔ زالبول، چنا، بزرگ تینا ہی اُراتیٹی بندی ءُ۔ کمیونیکیشن بلیک آؤٹ و سخت ترین قدغن خلوک ءِ۔ انسانیت نا برخلاف بھارتی ڈوہ ءِ تورفسا و کشمیری تا بنداوی حق انا رکھ آن دادے انا جہانی شرف ءِ ودفنگ مریک۔
