اسلام آباد۔ 10 دسمبر (اے پی پی) اسپیکر قومی اسمبلی اسد قیصر پارینے کہ اللہ تعالیٰ انسان ءِ اشرف المخلوقات کرے و اوفتے زند ءِ تیر کننگ کن اسہ ضابطہ حیات اس تسنے۔ اللہ تعالیٰ نا جوڑ کروک ضابطہ حیات اٹ انسانی حق سرفہرست ءِ، غٹ مذہب آتا مباحثہ نا وت حرمت انسانی ءِ، خواجہ صلی اللہ علیہ و آلہ وسلم نا خطبہ حجتہ الوداع حقوق العباد وضابطہ حیات نا بنداوی جزو ءِ ہراآقا و غلام ءِ پرخ ءِ چٹفے۔ داخیال آتا درشانی ءِ او پاکستان تون اوار مچ آ دنیا ٹی پنچ شنبے نادے آ انسانی حق انا جہانی دے انا وخت آ کرے۔ اوپارے کہ اللہ تعالیٰ انسان ءِ اشرف المخلوقات کرے و اوفتے زند ءِ تیر کننگ کن اسہ ضابطہ حیات اس تسنے۔ اللہ تعالیٰ نا جوڑ کروک ضابطہ حیات اٹ انسانی حق سرفہرست ءِ۔ اوپارے کہ غٹ مذہب آتا مباحثہ نا وت حرمت انسانی ءِ۔ خواجہ صلی اللہ علیہ و آلہ وسلم نا خطبہ الوداع حقوق العباد و ضابطہ حیات نا بنداوی جزو ءِ ہراآقا و غلام نا پرخ ءِ چٹفے۔ اوپارے کہ پاکستان انسانی حق انا جہانی چارٹر آ دستخط کرینے۔ پاکستان دارداٹ جہانی کہول آ کروک آ وعدہ غاتیا عمل کننگ ءِ۔ اوپارے کہ اللہ تعالیٰ قرآن پاک اٹ انسانی حق انا اسہ پورو ضابطہ حیات اس متعین کرینے ہراٹی انسانی حق ءِ پورو کننگ نا سخت وحید فرمائفینے۔ اومستی پارے کہ انسانی حق انا جہانی ادارہ غاتا مقبوضہ کشمیر اٹ برجا انسانی حق انا خلاف ورزی تیا چپ مننگ سمجھ آن پیشن ءِ۔ اوپارے کہ بھارت نا غیر کانودی کوزہ ٹی جموں و کشمیر نا الس آ مروک آ ظلم و بربریت انسانیت نا تذلیل ءِ۔ اوپارے کہ کشمیر اٹی ہزار آ بے گناہ کودک چناتا کسفنگ و زالبول آتا عصمت دری نا واقعہ غاک بھاز افسوزناک ءُ۔ مقبوضہ کشمیر نا الس نا ہمت و استقلال و جرات ءِ سلام پیش کیوہ۔ اوپارے کہ مقبوضہ کشمیر و فلسطین اٹ انسانی حق انا جہانی ادارہ غاتے انسانی حق انا خلاف ورزی تا چٹفنگ کن گام گیج کروئی مریک۔ داوخت آ ڈپٹی اسپیکر قاسم خان سوری پارے کہ اسلام حقوق العباد نا ادا کننگ آ سختی اٹ عملدرآمد نا گرج آ زور شاغانے۔ اوپارے کہ ملک اٹ رہینگوک آ غٹ تپہ غاتے اسہ وڑ حق انا تننگ ساڑی حکومت نا اولیت آتیٹی اوار ءِ۔ اوپارے کہ بھارت اٹ تدوک آ کہی دہائی آن انسانی حق ءِ لتاڑنگ انگ ءِ و مخلوق ءِ اوفتا بنداوی حق آن محروم تخنگانے۔ اواقوام متحدہ آ زور شاغاکہ او بھارت نا کنڈآن کشمیر آکروک آ بیدادی نا سختی اٹ نوٹس ءِ ہلے و تینا قرارداد آتیا عملدرآمد ءِ پک کننگ نا گرج ءِ۔
