اسلام آباد۔9دسمبر (اے پی پی): بنجاھی وزیر انفارمیشن ٹیکنالوجی ءُ ٹیلی کام سید امین الحق ءِ سروکی ءَ مزن وزیر ٹاسک فورس برائے آئی ٹی ءُ ٹیلی کار ءِ دومی دیوان چار شمبے ءَ وزارت ءِ کمیٹی روم ءَ برجم دارگ بوت۔ دیوان ءَ سیکریٹری آئی ٹی شعیب احمد صدیقی، چیئرمین پاکستان سافٹ وئیر ہائوسز ایسوسی ایشن برکان سعید، منیجنگ ڈائریکٹر پاکستان سافٹ وئیر ایکسپورٹ بورڈ (پی ایس ای بی) عثمان ناصر ءُ وزارت ءِ کلانہ ایں اپسرگ آں بھر زوری کت۔ ٹاسک فورس ءِ شریک چیئرمین ڈاسکٹر عطالرحمان ویڈیو لنک ءِ وسیلگ ءَ دیوان ءَ ھوار ات۔ دیوان ءَ رولنگ اسیپکٹرم پلان، رائٹ آف وے ءُ فائبر ائزیشن ءِ ھوالگ ءَ سرجمیں گپ ءُ تران کنگ بوت۔ مینجنگ ڈائریکٹر پی ایس ای بی عثمان ناصر ءَ دیوان ءَ را جتا جتائیں شہر آنی تہءَ سافٹ وئیر ٹیکنالوجی پارکس جوڑ کنگ ءِ ھوالگ ءَ پلان ءِ بابت ءَ سرپد ھم کت۔ دیوان ءَ گشتانک دیان ءَ بنجاھی وزیر آئی ٹی سید امین الحق ءَ گوشت کہ پاکستان آئی ٹی انڈسٹری ترندی ءَ گوں دیمروئی ءِ نیمگ ءَ رھادگ انت۔ بنجاھی وزیر آئی ٹی ءَ وزارت ءِ اپسرگ آناں توامیں کار آناں وھد ءُ موہ ءِ سر ءَ سرجم کنگ ءِ ھم پنت ءُ شون ھم کت۔
