سیالکوٹ۔9دسمبر (اے پی پی): مزن وزیر عمران خان ءَ سیالکوٹ ءَ پنجاپ انٹرمیڈیٹ سٹیزامپروومنٹ انویسٹمنٹ پروگرام ءِ چیر دستی ءَ 17 ارب ءِ دیمروئی منصوبگ ءُ یونیورسٹی آف اپلائیڈ انجینئرنگ اینڈ ٹیکنالوجی ءِ بن ھشت ایر کت۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ سیالکوٹ ءَ ساپ ءُ سلہ ئیں آپ، نوکیں سالڈ ویسٹ مشینری ءُ سیوریج ءِ ٹوھیں منصوبگ ءُ سیل ءُ سوادی پارکس آنی برجائی ھوار انت۔ شہر آنی تہ ءَ آپ ءِ پجاری ءِ منصوبگ ءِ چیر دستی ءَ کوھنیں پائپ لائن ءِ مٹ ءُ بدلی، نوکیں ٹیوب ویلز آنی پٹ کنگ، فلٹریشن پلانٹس، اوورہیڈٹینک ءُ کوھنیں ٹیوب ویلز آنی مرمت ءُ برجائی ھوار انت۔ واٹر سپلائی پراجیکٹ ءِ منصوبگ 2022 ءَ سرجم بیت ءُ 2044 تاں 322000 مردم آناں ساپیں آپ پجاری کنگ ءِ ازم ءَ دار ایت۔ نوکیں سیوریج پائپ لائنز آنی گوما واٹر ٹریٹمنٹ پلانٹ ءَ چہ چلئیں آپ ءَ را ساپ کنان ءَ لائک ءِ ڈگار آں دیگ ءِ منصوبگ ھم ھوار انت۔ مزن وزیر عمران خان ءَ 14 ارب ءِ کساس ءَ چہ سیالکوٹ یونیورسٹی آف اپلائیڈ انجینئرنگ اینڈ ٹیکنالوجی ءِ بن ھشت ھم ایر کت۔ یونیورسٹی ھپت سال ءِ کساس ءَ سرجم بیت ءُ چین، آسٹریلیا ءُ اٹلی ءِ یونیورسٹی آں گوں کنکٹ بیت۔ یونیورسٹی ورنا آناں میاں اوستمانی کد ءُ بالاد ءِ رد ءَ ھندی صنعت آنی پکار ءِ واستہ جتا جتائیں انجینئرنگ ءِ شوبگ ءَ زانت ءُ زانشت پجاری کنت۔
