سیالکوٹ۔9دسمبر (اے پی پی): مزن وزیر عمران خان ءَ گوشت کہ برآمدی چیز آنی تہ ءَ گیشی ءُ صنعت ءِ دیمروئی استیں حکومت ءِ اولی ترجی انت، سیالکوٹ ءَ یک ہزار ایکڑ ءِ سر ءَ صنعتی سٹیٹ ءِ جوڑیشت ءِ واستہ زمین آنی پجاری دل یکیمی جوڑ کنگ بیت، پاکستان ءِ ھمک شہر ءِ ماسٹر پلان جوڑ کناں ءُ شہری دمگ آنی سیم سر آناں گیشینگ بیت تانکہ شہری آناں گر ءُ دار کنگ بہ بیت، سیالکوٹ ءَ ٹیکنالوجی واپلائیڈ سائنسز انسٹیٹیوٹ ءِ بن ھشت ءِ ایر کنگ ٹوھیں گام ات۔ آ چار شمبے ءِ روچ ءَ سیالکوٹ ءَ کامیات جوان پروگرام ءِ چیر دستی ءَ چیک آنی بھر ءُ بانگی مراگش ءَ گوں گشتانک دیگ ءَ ات۔ اے موہ ءِ سر ءَ سر وزیر پنجاپ عثمان بزدار، مزن وزیر ءِ مشیر برائے ورنا آنی کار عثمان ڈار ءَ ھم گشتانک دات۔ مزن وزیر ءَ دیمروئی پیکیج ءِ ھوالگ ءَ مبارک بات دات۔ نوں بنک آنی واستہ وام دیگ ءِ پڑ ءَ آسانی بیت۔ آئی ءَ گوشت کہ سیالکوٹ ءِ بزگر ءُ مزور آنی واستہ کالونی جوڑ کنگ ءِ لوٹ کنگ بوت نوکیں پاکستان ہائوسنگ سکیم ءِ چیر دستی ءَ سیالکوٹ ءَ آئی ءِ واستہ کالونی جوڑ کناں۔
