اسلام آباد۔ 09 دسمبر (اے پی پی) وزیراعظم عمران خان سکردو نا زیبا انگا عکس آتے ٹویٹر آ شیئرکرینے۔ چارشنبے نادے آ وزیراعظم عمران خان سکردو نا زیبا انگا عکس آتے تینا ٹویٹر اکاؤنٹ آ تالان کرے وپارے کہ منہ دے مست او گلگت بلتستان نازیبا انگاعکس آتے شیئر کریسس اوکان پد داسہ او سکردو نا ایب وکیب نا علاقہ غاتا زیبائی ءِ عکس آتا کمک اٹ تالان کننگ ءِ۔ وزیراعظم عمران خان نا فالوورآک اونا گلگت بلتستان و سکردو نا عکس آتے بھاز پسند کریر و منہ وخت اٹ ہزار آتا کچ اٹ اوفتے شیئر کننگا عکس آتے لائیک و ری ٹویٹ کننگا۔
