زرگزران ءِ مون تروک مشکل آتے کم کننگ و زرکاری ءِ مون آ دننگ کن زرگزرانی سفارت کاری ءِ کاریم اٹ اتنگ اُن، مخدوم شاہ محمود قریشی

اسلام آباد۔ 09 دسمبر (اے پی پی) وزیر خارجہ مخدوم شاہ محمود قریشی پارینے کہ زرگزران ءِ مون تروک مشکل آتے کم کننگ و ملک اٹی زرکاری نا مون آ دننگ کن زرگزرانی سفارتکاری ءِ کاریم اٹ اتنگ اُن۔ پاک چین اقتصادی راہداری ڈٹ انا وخت آ پوروی ننا اولیت آتیٹی اوار ءِ۔ او چار شنبے نادے آ وزارت خارجہ ٹی علاقائی سلامتی و پاکستان نا اولیت آتا بابت سلابتی دیوان نا کماشی ءِ کریکہ۔ وزیراعظم نا خصوصی کمکار قومی سلامتی معید یوسف، سیکرٹری خارجہ سہیل محمود، بڑزکو عسکری کمامدار و وزارت خارجہ نا سینئر آفیسر آک دیوان اٹی بشخ ہلکر۔ دیوان اٹی کورونا دینی چیلنج، مقبوضہ جموں و کشمیر نا حالیت، و بھارتی اسہ کنڈی پالیسی تا سوب ڈیہہ ءِ مون تروک چیلنج آتا بابت سرجم گپ وتران کننگا۔ وزیر خارجہ پارے کہ کورونا جہانی دینی چیلنج اٹی مقبوضہ جموں و کشمیر اٹی بھارتی کوزہ گیر فوج انا پرتشدد کارروائی تا تسلسل بے کچ گڑتی نا سوب ءِ۔ پاکستان ڈوزیئر نا کمک اٹ دہشت گرد کارروائی تیٹی بھارت نا اوار مننگ نا پبی و ناقابل تردید شاہدی دنیا نا مون آ پیش کرینے۔ شاہ محمودقریشی پارے کہ بھارت نا ہندو توا سوچ آ مبنی پالیسیک مچ آ ڈیہہ نا امن و سوگوی ءِ خطرہ غاتیان دوچار کرینے۔ کورونا دین انا سوب زرگزران ءِ مون تروک مشکل آتے کم کننگ و ملک اٹی زرکاری نا مون آ دننگ کن زرگزرانی سفارت کاری ءِ کاریم اٹ اتنگ اُن۔ اوپارے کہ پاک چین اقتصادی راہداری ڈٹ آتا وخت آ پوروی ننا اولیت آتیٹی اوار ءِ۔ اوغانستان اٹی امن و سوگوی مچ آڈیہہ کن بھاز المی ءِ۔ پاکستان اوغان امن عمل تون اوار ڈیہہ ٹی امن کن تینا خیرخواہی کڑد ءِ ساف انگا نیت اتون ادا کرسا کیک۔