اسلام آباد۔ 09 دسمبر (اے پی پی) تدوک آ بیست ءُ چار گھنٹہ ٹی پنجاب اٹی غٹ آن زیات مرک ریکارڈ کننگا اوکان پد ارٹ میکو نمبر آ زیات مرک سندھ اٹی۔ ہنداوڑاٹ نازرک حالیت اٹی کورونا نا ناجوڑ آتا کچ پنجاب نا شار ہرافتے ٹی لاہور، ملتان و راولپنڈی اوار ءُ ٹی ریکارڈ کننگا اوکان پد خیبرپختونخوا نا شار پشاور اٹی نازرک حالیت والا ناجوڑ آتازیات کچ ریکارڈ کننگا۔ تدوک آ بیست ءُ چار گھنٹہ ٹی مروک آ مرک آتیان 39 مرک وینٹی لیٹر آ ساڑی ناجوڑ آتا مس۔ چارشنبے نادے آ این سی او سی نا کنڈآن جاری کروک حساب وکتاب نا رداٹ تدوک آ بیست ءُ چار گھنٹہ ٹی پنجاب اٹی غٹ آن زیات مرک ریکارڈ کننگا اوکان پد ارٹمیکو نمبر آ زیات مرک سندھ اٹی مس۔ ہنداوڑاٹ نازرک حالیت اٹی کورونا نا ناجوڑ آتازیات کچ پنجاب نا شار ہرافتے ٹی لاہور، ملتان و راولپنڈی اوار ءُ ٹی ریکارڈ کننگااوکان پد خیبرپختونخوا نا شار پشاور اٹی نازرک حالیت والا ناجوڑ آتا بھلو کچ اس مون آ بس۔ تدوک آ بیست ءُ چار گھنٹہ ٹی مروک آ مرک آتیان 39 مرک وینٹی لیٹر آتیا ساڑی ناجوڑ آتا مس۔ این سی او سی آن جاری کروک حساب وکتاب نا رداٹ تدوک آ 24 گھنٹہ ٹی کورونا نا 2 ہزار 963ناجوڑ آتا ٹیسٹ مثبت بس و 60 بندغ دا دین آن زوال کریر ہرافتیان 57 بندغ ہسپتال آتیٹی وخت اس کہ 3 بندغ اُراتیٹی قرنطینہ ٹی دا دین آن زوال کریر۔ ملک انا 4 بھلا شار تیٹی وینٹی لیٹر آتیا کورونا نا ناجوڑ آتا کچ انا لحاظ اٹ ملتان اٹی 63 درسد، اسلام آباد اٹی 49 درسد، پشاور اٹی 41 درسد و لاہور اٹی 36 درسد ناجوڑ ءُ۔ ہنداوڑاٹ ملک انا 4 بھلا شار تیٹی آکسیجن نا آسراتی والا کٹ آتیا اسلام آباد اٹی 61درسد، ملتان اٹی 47 درسد، پشاور اٹی 46 درسد، و ایبٹ آباد اٹی 37 درسد ناجوڑ ءُ۔ تدوک آ 24 گھنٹہ ٹی کوویڈ۔ 19 نا 38 ہزار 92 ٹیسٹ کننگا ہرافتیان سندھ اٹی 11 ہزار 242، پنجاب اٹی 15 ہزار 691، خیبرپختونخوا ٹی 4 ہزار 51، اسلام آباد اٹی 5 ہزار 719، بلوچستان اٹی 604، گلگت بلتستان اٹی 450، آزاد کشمیر اٹی 406ٹیسٹ اوار ءُ۔ داتم اسکان مچ آ ملک اٹی کوویڈ۔ 19 آن دراخ جوڑ مروک آتا کچ 3 لکھ 72 ہزار 271 مسنے۔ بلوچستان و گلگت بلتستان اٹی کوویڈ۔ 19 نا اسہ ناجوڑ اس ہم داوخت آ وینٹی لیٹر آاف وخت اس کہ مچ آ ملک اٹی کوویڈ۔ 19 کن جتا کٹ آتیا 348 ناجوڑ ءُ۔ مچ آ ملک اٹی کوویڈ۔ 19 نا ایکٹو کیس آتا کچ 45 ہزار 324ءِ۔ مچ آ ملک اٹی کورونا دین آن زہمی بندغ آتا کچ 4 لکھ 26 ہزار 142ءِ ہرافتیان آزاد کشمیر اٹی 7 ہزار 427، بلوچستان اٹی 17 ہزار 540، گلگت بلتستان اٹی 4 ہزار 761، اسلام آباد اٹی 33 ہزار 420، خیبرپختونخوا ٹی 50 ہزار 506، پنجاب اٹی 1 لکھ 24 ہزار 804، و سندھ اٹی 1 لکھ 87 ہزار 684 ناجوڑ ءُ۔ مچ آ ملک اٹی کوویڈ۔ 19 آن زوال کروک آتا کچ 8 ہزار 547ءِ ہرافتیان سندھ اٹی 3 ہزار 81 مرک وخت اس کہ تدوک آ بیست ءُ چار گھنٹہ ٹی 20 ناجوڑ ہسپتال آتیٹی وخت اس کہ اسہ ناجوڑ اس اُراٹی قرنطینہ ٹی دا دین آن زوال کرے، پنجاب اٹی 3 ہزار 242مرک وخت اس کہ تدوک آ بیست ءُ چار گھنٹہ ٹی 22 ناجوڑ ہسپتال آتیٹی وخت اس کہ 2 ناجوڑ اُراتیٹی قرنطینہ ٹی دا دین آن زوال کریر، خیبرپختونخوا ٹی 1 ہزار 429وخت اس کہ تدوک آ بیست ءُ چار گھنٹہ ٹی 10 ناجوڑ ہسپتال آتیٹی دا دین آن زوال کریر، اسلام آباد اٹی کل 345 مرک وخت اس کہ تدوک آ بیست ءُ چار گھںٹہ ٹی 4 ناجوڑ ہسپتال آتیٹی دادین آن زوال کریر، بلوچستان اٹی 170 مرک وخت اس کہ تدوک آ بیست ءُ چار گھنٹہ ٹی اسہ ناجوڑ اس ہسپتال اٹی دا دین آن زوال کرے۔ گلگت بلتستان اٹی 98 مرک، آزاد کشمیر اٹی دا دین آن 182 مرک۔ داتم اسکان مچ آ ملک اٹی کوویڈ۔ 19 نا 58 لکھ 65 ہزار 944 ٹیسٹ کننگانے۔ مچ آ ملک اٹی کوویڈ۔ 19 نا درمان کن جتا 613 ہسپتال آتیٹی 3 ہزار 30 ناجوڑ درمان مننگ ءُ۔
