اسلام آباد۔ 09 دسمبر (اے پی پی) پاک بحریہ ہنگورڈے انا وخت آ خصوصی پرومواس جاری کرے، پروموٹی شہید و غازی تے خراج عیقدت پیش کننگ تون اوار اوار پاک بحریہ نا آبدوز ہنگور نا دشمن نا برخلاف بے مٹ سرسہبی تے تالان کننگانے۔ ترجمان پاک بحریہ نا رداٹ 1971 نا جنگ اٹ پاک بحریہ نا آبدوز ہنگور نرزوری نا عظیم تاریخ اس ہلا۔ 1971 اٹی اینو نا دے پاک بحریہ نا آبدوز ہنگور بھارتی بحریہ نا جنگی جہاز ککری ءِ غرقاب کرے و ایلوجہاز کرپان ءِ ژند کرے۔ ارٹ میکو جنگ عظیم آن پد دا اولیکو واقعہ ءِ ہراٹی آبدوز اس بحری جہاز ءِ نیست و نابود کرے۔ بحری معرکہ غاتیٹی پاک بحریہ نا آبدوز، ہنگور نا دا کارنامہ ننا دشمن تے اسُل گیرام کپک۔ ترجمان پاک بحریہ نا رداٹ پاک بحریہ نا کنڈآن 4 مارچ 2019ء آ دشمن نا آبدوز نا پدرند ءِ خلسا اودے تینا دیر تیٹی پدی خسنگ نا واقعہ ہم دشمن کن بھاز ہزیمت نا سوب ءِ۔
