اسلام آباد۔ 09 دسمبر (اے پی پی) وزیراعظم نا خصوصی کمکار موسمیاتی بدلی ملک امین اسلم پارینے کہ اسلام آباد مرغزار چڑیاگھر ءِ جہانی کہول انا مارگلہ وائلڈ لائف کنزرویشن سینٹر اٹ بدل کننگ نا فیصلہ ءِ کننگانے، دا بابت چاہندار آتون سلابت کننگ آن پد جامع لائحہ عمل اس ہم تیار کننگا۔ چارشنبے نادے آ وزارت موسمیاتی بدلی آن جاری اسہ بیان اسے نا رداٹ ملک امین اسلم پارے کہ اسلام آباد مرغزار چڑیاگھر ءِ جہانی کہول انا مارگلہ وائلڈ لائف کنزرویشن سینٹر اسے ٹی بدل کننگ نا فیصلہ اسلام آباد وائلڈ لائف مینجمنٹ بورڈ انا اہم دیوان اٹ کننگا، مارگلہ وائلڈ لائف کنزرویشن سینٹر وزیراعظم عمران خان نا حکومت نا کلین اینڈ گرین ایجنڈا ءِ مون آتخسا جوڑ کننگ انگ ءِ۔ اوپارے کہ مارگلہ وائلڈ لائف کنزرویشن سینٹر ءِ جوڑ کننگ نا بابت جامع پلان چاہندار آتون سلابت آن پد تیار کننگانے۔ داجہانی وڑ نا وائلڈ لائف کنزرویشن سینٹر 82 ایکڑ رقبہ غا تالان مریک ہراٹی ہندی وڑنا ساہدار سینکچوریز اٹ تخنگرہ۔ داڑتون اوار اوار السی سیل وسوات و السی آگاہی کن آسراتی ہم فراوان کننگک۔ ملک امین اسلم پارے کہ دا مارگلہ وائلڈ لائف کنزرویشن سینٹر اٹ السی سیل وسوات کن الیکٹرک سفاری ٹرین اس درستی راستی کرفنگک ہرانا کمک اٹ مخلوق ءِ معلوماتی دورہ ہم کرفنگک۔
