اسلام آباد۔ 09 دسمبر (اے پی پی) محکمہ موسمیات نا رداٹ بروک آ 24 گھنٹہ ٹی اسلام آباد تون اوار ملک انا ایلو علاقہ غاتیٹی موسم یخ و پِرکپک، قطبی علاقہ غاتیٹی ترند یخ، قطب دے ٹکی بلوچستان اٹی ہورہ و گروک اٹ پِر و مش تیا برف وخت اس کہ پنجاب نا میدانی علاقہ و بڑزکو سندھ اٹی نن و سہب انا وخت اٹی گوتلو مننگ نا گمان ءِ۔ تدوک آ 24 گھنٹہ ٹی موسم پنجاب، بڑزکو سندھ، خیبرپختونخوا، بلوچستان، گلگت بلتستان و کشمیر اٹی پِرمس۔ غٹ آن زیات پِر کشمیر بالاکوٹ21، راولاکوٹ11، مظفرآباد 8، گڑھی دوپٹہ7، کوٹلی 6، خیبرپختونخوا، پٹن 14، دیر اپر12، لوئر5، کالام، مالم جبہ 10، چترال 7، سیدوشریف 5، پاراچنار، میرکھانی 4، کاکول3، دروش، بنوں 2، ڈیرہ اسماعیل خان اسٹ، پنجاب، مری 10، جہلم 9، منگلہ 7، منڈی بہاؤالدین، چکوال4، راولپنڈی، بھکر3، اسلام آباد 2، نورپورتھل، جوہر آباد، اٹک 2، سرگودھا، گجرات، گوجرانوالہ، ملتان، خانیوال اسٹ، بلوچستان، ژوب، تربت 2، گلگت بلتستان، استور3، سکردو2، سندھ، جیکب آباد اٹی اسہ ملی میٹر پِر ریکارڈ کننگا۔ وخت اس کہ سکردو 0.6و کالام اٹی 0.5انچ برف ریکارڈ کننگا۔ کم آن کم درجہ حرارت ، لہہ منفی 6، پاراچنارمنفی5، گوپس، بگروٹ، زیارت منفی 2، سکردو و مالم جبہ ٹی صفر ڈگری سینٹی گریڈ ریکارڈ کننگا۔
