اسلام آباد۔8دسمبر (اے پی پی): مزن وزیر عمران خان ءَ احساس پروگرام ءَ را پاکستان ءَ گریبی ءِ تہ ءَ کمی آرگ ءُ گہبودی ریاست ء، برجائی ءِ واسزتہ کلیتی ارزشت ءِ لیکان ءَ اے ھوالگ ءَ کتگیں گامگیج آناں ساڑات۔ مزن وزیر میڈیا کارگس ء ِ نیمگ ءَ جاڑی بوتگیں بیان ءِ رد ءَ اے ھیالانی درشانی آئی ءَ سئے شمبے ءَ ھاسیں کمکار برائے گریبی ءُ چاگردی رکھینوک ڈاکٹر ثانیہ نشتر ءَ گوں تران کنان ءَ کت۔ گند ءُ نند ءَ ھاسیں کمکار ءَ مزن وزیر ءَ کفالت پیمنٹ، احساس ایمرجنسی کیش پروگرام ءِ پکوئیں رپوٹ، احساس ون ونڈو آپریشن ءِ سر ءَ دیرموئی گامگیج ءُ احساس گہتری کار آنی سر ءَ بریفنگ دات۔ اے ھوالگ ءَ ڈاکٹر ثانیہ نشتر ءَ پناہ گاہ آنی بابت ءَ بیت المال ءِ کانود آنی تہ ءَ مٹ ءُ بدلی ءُ ڈونیشن مینیجمنٹ سسٹم ءَ ساپ ءُ سلہ ئی ءَ را گیش ودینگ ءِ واھگ ءَ گامگیج آنی بابت ءَ ھم مزن وزیر ءَ را سرجمیں رنگ ءَ سرپد کت۔ مزن وزیر ءَ احساس پروگرام ءَ پاکستان ءَ گریبی ءِ تہ ءَ کمی آرگ ءُ گہبودی ریاست ء، جوڑیشت ءِ واستہ کلیتی بستار نامینت ءُ اے ھوالگ ءَ چست کتگیں گامگیج آناں ساڑات۔
