اسلام آباد۔8دسمبر (اے پی پی): بنجاھی وزیر اھوالکاری ءُ شنگ کاری سینیٹر شبلی فراز ءَ گوشت کہ مریم صفدر ءُ مولانا فضل الرحمن تو ممبر پارلیمنٹ نہ انت آئی ڈیمانڈ ءَ پارلیمنٹرین اچبر استپاہ مہ دیاں، پاکستان جمہوری ملک ات ایشی اندر ءَ جمہوری حکومت ءَ را جمہوری رپک ءَ چہ دور کنگ بیت، ایشی ءِ اندر ءَ کانودی وھد ءُ پاس ءِ سرجم بوھگ ءِ ودار کنگ کپ ایت، راجدپتر گواہ انت کہ مچی ءُ جاک کنگ ءَ چہ اچ حکومت نہ کپ ایت۔ راجدپتر گواہ انت کہ مچی ءَ چہ اچ حکوم نہ کپ ایت، اگاں حکومت ءِ کپتگ ھم مچی کنوک آناں اچ سیت نہ رستگ۔ آمید گس ءَ چہ تچوکیں بانک مارا دھمکی دیگ ءَ انت۔ مولانا فضل الرحمن ءَ سرجمیں سیاست ءَ اسلام ءِ چے ازمت کتگ، کشمیر کمیٹی ءِ چیئرمین بوھگ ءَ ابید آئی ءَ اے بابت ءَ چے کتگ۔ عمران خان ءَ دگنیا ءَ کشمیرءِ جیڈھ ءَ را زندگ کتگ، میاں اوستمانی دگنیا ءَ اسلاموفوبیا ءِ جیڈھ ءَ را سہرا کتگ، اپوزیشن جمہوری حکومت ءِ دور دیگ ءِ واستہ گیر جمہوری کار رپک وتی کنگ ءَ تیار انت۔ آ سئے شمبے ءَ ھاسیں کمکار ورنا آنی کار عثمان ڈار ءِ ھمبراھی ءَ بنجاھی کابینہ ءَ دیوان ءَ چہ پد میڈیا ءَ را بریفنگ دیگ ءَ ات۔ آئی ءَ گوشت کہ اے ھمے واستہ تڑپگ ءَ انت، ایشانی حکومت آنی دور ءُ باریگ ءَ دزئی ءُ لچڈی ءُ رشوت ءِ بنیات ءَ نوکری دیگ بوتگ، آوانی دور ءُ باریگ ءَ ایوک ءَکاروبار ءَ دیمروئی رستگ، ملک گریب ءَ چہ گریب تر بوتگ۔ آئی ءَ گوشت کہ ما حکومت ءَ ناں ملک ءَ ءَ بچاریگ ءِ کوشت ءَ کنگ ءَ آں۔ اے دوئیں پارٹی آں یک ءِ دومیگ ءِ ھلاپ ءَ کیس جوڑ کتگ ءُ یک ءِ دومیگ ءِ پُشت ءَ کارچ گُت کتگ۔ آئی ءَ گوشت کہ مریم صفدر گوشیت کہ ھرکس استیپا نہ دنت آوانی گس ءَ چپ ءُ چاگرد کناں۔ آئی گپ ءِ پد ءَ کس استپا نہ دنت۔ آئی ءَ گوشت کہ دو ٹوھیں ڈیم، نوکیں دو شہر جوڑ کنگ بوھگ ءَ انت، دگنیا ءَ کورونا کورونا ءِ سبب ءَ ملک آنی معیشت تباہ بوتگ انت۔ ھمساھگیں ملک بھارت ءِ معیشت ءِ جاور آں آگاں مئے ملک ءِ گوما دیم پہ دیم کنگ بہ بیت گڈا ما سک باز گہتر انت۔ آئی ءَ گوشت کہ گوستگیں روچ اوگان حکومت ء۔ مزن وزیر عمران خان ءِ استیں تر ءُ تاب ءِ رد ءَ آئی سروکی ءَ پالیشی آناں ساڑاتگ۔ آئی ءَ گوشت کہ لاہور ءَ ھوار سرجمیں ملک ءِ الس آں گوں اپیل انت کہ آ دورگ بند ءُ لچڈ آنی ھمبراھ داری ءَ مکن انت۔ ایشاں چہ دور ءُ گستا بہ بنت، آئی ءَ گوشت کہ راستیں رنگ ءَ اپوزیشن ملکی جیڈھ، حکومتی پالیسیز آنی سر ءَ ایراد گپت۔ آئی ءَ گوشت کہ سپیکر راجی اسمبلی ءِ سروکی ءَ کرونا وائرس ء، جیڈھ ء، سر ءَ پارلیمانی کمیٹی ءِ دیوان گوانگ جت گڈا اپوزیشن ءَ ایشرا سرجمی ءَ بائیکاٹ کت ایش السی جیڈھ ءِ بوتگ۔ یک جستے ءِ پسو ء۔ آئی ءَ گوشت کہ نوازشریف، زرداری، پیپلز پارٹی زاتی جیڈھ آنی سبب ءَ نیب ءَ نہ من ایت، اے ھیال آواں دو سال پیسر چیا نہ اتکگ، ھما وھد ءَ آوانی ھلاپ ءَ پٹ ءُ پول بندات بوتگ ، پیپلز پارٹی ء، سینیٹ ءَ چست کتگیں ایجنڈا آنی تہ ءَ حکومتی سینیٹر بھر جوڑ نہ بنت، اے ایوان جھلی انت 1974 ءَ بگر تاں انوں رولنگ چارگ بوھگ ءَ انت، اے رنگیں چیز آناں اچ رنگ ءَ سگ ءُ اوپار کنگ نہ بیت۔ آئی ءَ گوشت کہ ما لوٹاں کہ پی ٹی وی دیمروئی بکنت پمشکہ جوانیں پلانز آنی سر ءَ کار کنگ بوھگ ءَ انت۔ آئی ءَ گوشت کہ پی آئی اے ءَ مردم آنی ٹرانسفر ھمروچگیں گپ انت نوکیں چیز نہ انت، اچ کس ءَ را پہ زور در کنگ نہ بیت بلے ھر کجا ضلورت بیت آھواد دیمروئی گامگیج چست کنگ بیت، والنٹری ریٹائرمنٹ ءِ رد ءَ آواناں منوگر کتگیں آسراتی رسیت۔ بنجاھی وزیر سینیٹر شبلی فراز ءَ گوشت کہ استپا دیگ سک آسان انت ءُ الیکشن باز مشکل انت ھرکس کہ الکشن ءَ بھر زور ایت آ زانت کہ چنکیاس گران انت، آوانی اندر ءَ ھمینکاس کسد ءُ کینگ است، اے جیڈھ ءِ رد ءَ بھر ءُ بانگ انت۔
