اسلام آباد۔8دسمبر (اے پی پی): وزیر ءِ درئی کار مخدوم شاہ محمود قریشی ءَ گوں جنیوا ءَ پاکستان ءِ گشتانکار فرخ عامل ءَ گوں سئے شمبے ءَ وزارت درئی کار ءَ گند ءُ نند کت۔ گند ءُ نند ءِ ساھت ءَ جتا جتائیں درئی پالیشی کار آں ھوار وت مہ وتی واھگی کار آنی سر ءَ ھیال ریچی کنگ بوت۔ وزیر ءِ درئی کار ءَ پیسریگیں گشتانکار ءَ گوشت کہ ملازمت ءِ ساھت ءَ وزارت درئی کار ءِ واستہ تئی ازمت لائک ءِ توسیپ انت۔ وزیر ءِ درئی کار ءَ گوشت کہ پاکستان ءِ درئی پالیشی آناں نوکیں لوٹ آں گوں ھمگونگ جوڑ کنگ ءُ درئی جیڈھ آنی گیواری ءِ واستہ پراھءُ شاھیگانیں ازمکاریں سفیر آں گوں شور ءُ مشور منی اول سرئی کار آنی تہ ءَ ھوار انت۔ یمبیسڈر فرخ عامل ءَ کشمیر ءِ جیڈھ ءَ ھوار ارزشتی ایں درئی کار آناں میاں اوستمانی تک ءَ جوانیں رنگ ءَ سہرا کنگ ءُ پڑ ءَ برجائی ءُ ایمنی ءِ واستہ گہتریں تپاکی کرد پیلو کنگ ءِ پد ءَ وزیر ءِ درئی کار ءَ را مبارک بات دات۔
