کوئٹہ08دسمبر (اے پی پی ):گوادرڈے ءِ 62 شاتکامی مراگش ءِ بنگیج پاک نیوی ءِ نیمگ ءَ کوہ باتیل ءَ بیرک ءِ درنجگ ءَ کنگ بوت۔ بیرک درنجگ ءِ مراگش ءَ وائس ایڈمرل ہہلال امتیاز (ملٹری) زاہد الیاس رئیر ایڈمرل کمانڈرویسٹ جواد احمد، پاک اُرد ءِ میجر جنرل محمد عامر نجم ءَ ھوار ٹوھ ٹوھیں اپسرگ آں بھر زوری کت، سرجمیں ھال آنی ر د ءَ سئے شمبے ءَ گوادر ءَ پاکستان نیوری ءِ نیمگ ءَ گوادر ڈے ءِ رد ءَ میرین ڈرائیور ءِ ھند ءَ پدی زر تیاب ءَ جوانیں مراگش ءِ برجم دارگ بوت۔ مراگش ءَ پاک نیوی ءِ وائس ایڈمرل زاہد الیاس ءُ رئیر ایڈمرل جواد احمد ءُ پپاک نیوری ءَ اپسرگ گوادر ڈیولپمنٹ اتھارٹی ءِ ڈائریکٹر جنرل شاہ زیب کاکٹر، جی ڈی اے اپسرگ بلوچستان عوامی پارٹی ءِ سروک پیسریگیں نگران صوبائی وزیر میر نوید کلمتی چاگردی سروک میر ارشد کلمتی چیئرمین نیشنل پیس کونسل گوادر حاجی عبدالباسط، فش انڈسٹری گوادر ءِ ھندی بزنس مین حاجی عبدالقیوم چیف اپسرگ میونسپل کمیٹی گوادر ایاز ءَ ابید دمگ ءِ سروک ءُ شہر آنی ٹوھیں کساس بھر زوری کنگ ءَ ات۔ پاک نیوی ءِ کمانڈوز ءَ ہور کرافٹ ءِ وسیلگ ءَ زرئی ایکسرسائز ءُ ہیلی کاپٹر آنی وسیلگ ءَ زمینی ءُ بالی ریسکیو آپریشن ءِ گہتریں کزبی ازمکاری ءِ درشان کنان ءَ شہری آنی دل کٹ اتنت۔ گوادر ڈے ءِ مراگش ءِ موہ ءَ تیاب ءَ پاکستان زند گ بات ءِ نھرگ جنگ بوت ءُ پدئی زر ءَ بازیں بیرک جنگ ءَ چہ سرجمیں دمگ سبز سبز ات۔ اے ساھت ءَ پاک نیوی ءِ وائس ایڈمرل زاہد الیاس ءِ نیمگ ءَ گوادر ڈے ءِ مراگش ءِ موہ ءَ لانچ تاچگ ءِ مقابلہ ءَ بھر زوروکیں ماھی کش آناں کیش داد دیگب بوت۔
