اسلام آباد۔ 08 دسمبر (اے پی پی) ملک اٹی کورونا نا مثبت کیس آتا کچ 8.58درسد ءِ۔ سے شنبے نادے آ نیشنل کمانڈ اینڈ آپریشن سینٹر (این سی او سی) نا کنڈآن جاری کروک حساب وکتاب نا رداٹ غٹ آن زیات کورونا نا مثبت کیس آتا کچ کراچی ٹی 21.80درسد مون آ بس، اوکان پد میر پور 18.31 درسد و مظفر آباد اٹی 16.00 درسد ئس۔ مچ آ پاکستان اٹی 2 ہزار 486 کورونا ناجوڑ آتا حالیت نازرک ءِ و نازرک حالیت والا ناجوڑ آتا کچ ترندی اٹ ودنگ ءِ۔ چندی بنجائی اکائی تیٹی کورونا نا مثبت کیس آتا کچ انا لحاظ اٹ آزاد جموں کشمیر اٹی 9.77 درسد، بلوچستان اٹی 8.68 درسد، گلگت بلتستان اٹی 2.78درسد، اسلام آاد اٹی 4.88 درسد، خیبرپختونخوا ٹی 9.67 درسد، پنجاب اٹی 4.00 درسد و سندھ اٹی 13.87 درسد ئس۔ ہنداوڑاٹ مچ آ ملک انا چندی شار تیٹی کورونا کیس آتا مثبت کچ انا لحاظ اٹ پنجاب اٹی لاہور 5.98 درسد، راولپنڈی 8.51 درسد، فیصل آباد 3.73 درسد، ملتان 2.38 درسد، گوجرانوالہ 0.24 درسد، سندھ انا شار ہرافتے ٹی کراچی 21.80درسد، حیدر آباد 9.15درسد ئس۔ ہنداوڑاٹ خیبرپختونخوا نا شار پشاور 14.91درسد، سوات 4.04درسد، ایبٹ آباد 13.35 درسد، بلوچستان اٹی کوئٹہ ٹی 4.81 درسد کچ ئس۔ بنجائی دارالحکومت اٹی 4.88 درسد، آزاد کشمیر نا شار تیٹی میرپور 18.31درسد، مظفرآباد 16.00درسد، گلگت بلتستان نا شار تیان گلگت اٹی 4.44 درسد کچ مون آ بس۔ ہنداوڑاٹ مچ آ ملک اٹی کورونا نا ناجوڑ آتیکن جتا کروک وینٹی لیٹر آتیا 305 ناجوڑ ءُ۔ ہرافتیان پنجاب اٹی فیصل آباد اٹی 3 ناجوڑ ، لاہور86، ملتان 42، راولپنڈی ٹی 15 ناجوڑ وینٹی لیٹر آتیا ٹی ءُ۔ سندھ انا شار تیٹی حیدر آباد اٹی اسہ ناجوڑ اس ہم وینٹی لیٹر آ اف وخت اس کہ کراچی ٹی 76 ناجوڑ وینٹی لیٹر آٹی ءُ۔ ہنداوڑاٹ خیبرپختونخوا نا شار ہرافتے ٹی ایبٹ آباد اٹی اسہ ناجوڑ اس ہم وینٹی لیٹر آ اف وخت اس کہ پشاور اٹی 45 کورونا نا ناجوڑ وینٹی لیٹر آٹو۔ ہنداوڑاٹ بلوچستان اٹی کورونا نا اسہ ناجوڑ اس ہم وینٹی لیٹر آ اف۔ اسلام آباد اٹی 37 ناجوڑ وینٹی لیٹر آٹو۔ آزاد کشمیر اٹی میر پور اٹی اسہ ناجوڑ اس ہم وینٹی لیٹر آ اف وخت اس کہ مظفر آباد اٹی کورونا نا اسہ ناجوڑ اس وینٹی لیٹر آٹے۔ ہنداوڑاٹ گلگت بلتستان اٹی اسہ ناجوڑ اس ہم وینٹی لیٹر آ اف۔
