وزیراعلیٰ بلوچستان جام کمال خان صوبہ ٹی سیل و سوات نا مون آ دننگ کن دے و نن گام گیج کننگ ءِ، پارلیمانی سیکرٹری حوالکاری گودی بشریٰ رند

کوئٹہ۔ 07دسمبر (اے پی پی) پارلیمانی سیکرٹری حوالکاری گودی بشریٰ رند تینا اسہ بیان اسے ٹی پارینے کہ وزیراعلیٰ بلوچستان جام کمال خان صوبہ ٹی سیل و سوات نا مون آ دننگ کن دے و نن گام گیج کننگ ءِ۔ صوبہ ٹی سیل و سوات ءِ مون آ دننگ کن حکومت بلوچستان غٹ تر گام گیج کننگ ءِ۔ صوبہ نا کرکی پٹی آ پوسکن وڑانا پارک جوڑ کننگ والا ءِ۔ نوشکی ٹی ساڑی ناوڑزنگی جھیل ہراکہ صحرا نا تہہ ٹی اسہ زیباءُ جھیل اسے داحکومت آن مست مدام گوجالنگا ولے داحکومت دا جھیل ءِ اسہ زیباو آسراتی تیان شپ کننگ نا تہیہ کرینے و بھلو زر اس ہم دانا گچینی کن جتا کننگانے۔ پیر غیب ہراڑے مخلوق گچین تفریح دوئی کننگ کیک۔ اودے ہم شون تننگانے و اینو بلوچستان نا مخلوق مرمرآن بریرہ و لطف اندوز مریرہ۔ سیل و سوات نا مون آ دننگ آن نئے بیرہ بلوچستان نا مخلوق فائدہ ہرفک بلکن مچ آ پاکستان آن بروک آ بندغ آک لطف اندوز مریرہ۔ گرج داہیت انا ءِ کہ حکومتی گام گیج آتون اوار اوار الس نا ہم زمواری مریک کہ اسہ زموار شاری اس مننگ نا شاہدی ءِ ترسا دا جاگہ غاتا سفائی نا ہم خاص خیال ءِ تخر تانکہ ماحول ءِ ساف تخنگ مرے۔