اسلام آباد۔ 07 دسمبر (اے پی پی) چیف الیکشن کمشنر سکندر سلطان راجہ پارینے کہ الیکشن کمیشن وتواجہ ءُ ادارہ اسے، کمیشن گچین کاری لڑتیٹی جنس انا بنداوآ پرخ انا چٹفنگ کن کوشست کننگ ءِ۔ او دوشنبے نادے آ ووٹر آتا قومی دے انا وخت آ الیکشن کمیشن سیکرٹریٹ اٹ اڈ ہلوک ا دودآن تران کریکہ۔ داوخت آ سیکرٹری الیکشن کمیشن، باسک الیکشن کمیشن تون اوار ایلو کمامداراک ساڑی ئسر۔ دادے ءِ اڈتننگ نا مسخت پاکستان نا الس ءِ گچین کاری عمل اٹ زیات آن زیات شریک کننگ کن آگاہی فراوان کننگ ءِ۔ دادے ملک اٹ مروک آ اولیکو لس گچین کاری تا یات اٹ اڈتننگک۔ چیئرمین الیکشن کمیشن تران کرسا پارے کہ گچین کاری عمل ءِ شفاف و بے کنڈ ہلوک کننگ کن گام گیج برجاءِ۔ اوپارے کہ الیکشن کمیشن وتواجہ ءُ ادارہ اسے ہرا گچین کاری عمل اٹ ہراسٹ ءِ اسہ وڑ وارخواہی فراوان کیک۔ اوپارے کہ جمہوری عمل اٹ وونٹ انا اہمیت ءِ تالان کننگ کن قومی ووٹر ڈے ءِ اڈتننگ انگ ءِ۔
