اسلام آباد۔7دسمبر (اے پی پی):صدر مملکت ڈاکٹر عارف علوی ءَ گوشت کہ پاکستان بیلاروس ءِ گوما گند ءُ نند آناں سک باز شرپ دنت، پاکستان تجارت ءُ ءُ سرمایہ کاری، سائنس ءُ ٹیکنالوجی، دود ءُ ربیدگ ءُ دیمپانی ءَ ھوار وت مہ وتی واھگی کار آنی توامیں شوبگ آنی تہ ءَ دو نیمگی یکوئی آناں گیش دیمروئی دیگ لوٹ ایت۔ اے ھیالانی درشانی آئی ءَ دو شمبے ءَ پاکستان ءَ بیلاروس ءِ دزکش بوھوکیں سفیر اینڈ دی ارمولووچ ءَ گوں گند ءُ نند ءِ ساھت ءَ کت۔ صدر ء، مملکت ڈاسکٹر عارف علوی ء۔ گوشتکہ پاکستان بیلاروس ء، گوما تجارتی ءُ دود ءُ ربیدگی یکوئی آناں گیش دیمروئی دیگ ءِ واھشت ایگ انت۔ آئی ءَ گوشت کہ پاکستان یکجائی منصوبگ ءُ سرمایہ کاری ءِ واستہ دلبڈیں موہ پیش کنت انت۔ صدر عارف علوی ءَ گوشت کہ دوئیذں ملک آنی نیام ءَ دود ءُ ربیدگ، سیل ءُ سواد ءُ درمان جوڑ کنگ ءِ شوبگ ءِ تہ ءَ کمک آناں گیش پراھ ءُ شاھیگانی دیگ ءِ گنجاشک است انت۔ آئی ءَ گوشت کہ دوئیں ملک آںی نیام ءَ وانگ ءُ زانگ ءِ پڑ ءَ کمک آنی ھوالگ ءَ وت مہ وتی تپاک نامہ ءَ چہ دوئیں ملک آںی روگ ءُ آیگ آنی دیمروئی ءَ کمک رسیت۔ صدر مملکت عارف علوی ءَ امیت سہرا کت کہ دزکش بوھوکیں سفیر پاکستان ءُ بیلاروس ءِ نیام ءَ یکوئی آناں دیمروئی دیگ ءَ وتی کرد ءَ پیلو کنت انت۔
