کوئٹہ۔ 07 دسمبر (اے پی پی) وزیر خزانہ بلوچستان ظہور احمد بلیدی پارینے کہ ساڑی حکومت اولیکو دے آن صوبہ ٹی ایلو بشخ آتا شونداری تون اوار اوار سیل و سوات نا مون آ دننگ آ ہم بھاز چکار کرینے۔ ہنداسوب ءِ کہ پیر غائب اٹ چنکو وخت اسے ٹی پارک انا تفنگ ایلو حسین و دلفریب ہند آتیا سیل و سواتی تا آسانی کن آسراتی تا فراوانی ءِ پک کننگانے۔ اوپارے کہ صوبہ نا الس و ملک انا ایلو بشخ آتیان مخلوق داسہ پیر غائب اٹ دوئی وسیلہ غاتیان نئے بیرہ پبی فائدہ ہرفنگ کیرہ بلکن زند انا وخت آتے یات گار ہم کننگ کیرہ، داخیال آتا درشانی ءِ او ’’اے پی پی‘‘ تون گپ وتران کرسا کرے۔ اوپارے کہ ساڑی صوبائی حکومت السی خذمت نا جوزہ آن سرشارءُ ۔ صوبہ ٹی جان جوڑی، تعلیم شاری آسراتی ہن و بر نا ذریعہ نا شونداری سیل و سوات نا مون آ دننگ و الس نا حق انا فراوانی کن سنجیدہ و پبی گام گیج آتے پک کننگ ءِ، اومستی پارے کہ کچھی نا علاقہ، پیر غیب، زیارت، گوادر، پسنی، جیونی و گڈانی ٹی سیل و سواتی ہند آتا شونداری و دا علاقہ غاتیٹی سیل و سواتی تیکن ہروڑنا آسراتی تا فراوانی اولیت آتیٹی اوار ءِ، اوپارے کہ صوبائی حکومت صوبہ ٹی سیل و سوات نا مون آدننگ کن جنگی بنداو تیا گام گیج آتے پک کننگ ءِ کچھی نا علاقہ، پیر غیب، زیارت، گوادر، پسنی، جیونی، و گڈانی ٹی سیل و سواتی ہند آتا شونداری و دا علاقہ غاتیٹی سیل وسواتی تیکن ہروڑنا آسراتی تا فراوانی اولیت آتیٹی اوار ءِ، صوبائی وزیر پارے کہ داوڑآ زیارت اٹ ہم پارک تفنگ انگ ءِ۔ داڑتون اوار اوار جیونی، گڈانی، پسنی و گوادر اٹی کرک آ سیل و سواتی تا آسراتی کن چندی ڈٹ آتیا کاریم برجاءِ۔ ہرانا پوروی آن صوبہ نا الس و ملک انا ایلو بشخ آتیان مخلوق ءِ تفریح نا وارخواہی دُوبریک دا ہند آتیا آسراتی تا فراوانی آن ہندی مخلوق ءِ روزگار نا وارخواہی دُوبریک ہرانا بلاواسطہ وڑاٹ صوبہ نا زرگزران آ مثبت زہم تمک۔
