اسلام آباد۔ 07 دسمبر (اے پی پی) ایف بی آر غٹ ذیلی ادارہ غاتے تینا دفترآتیٹی انکم گوشوارہ داخل کننگ نا تاریخ اٹ ودکی تون تعلقدار درخواست وصول کننگ کن ہیلپ ڈیسک اس ٹہیفنگ نا پارت جاری کرینے۔ دوشنبے نادے آ داڑے ایف بی آر نا کنڈآن جاری کروک سرکلر اٹی پاننگانے کہ چیف کمشنر ءِ تاریخ اٹ ودکی نا بابت اسہ درخواست اسے نا کمک اٹ کیہی ٹیکس گزار آتے ودکی تننگ مریک بشرطیککہ خراج گزار نا پن، شناختی نمبر، این ٹی این و دنگ انا پیدواری نا بارواٹ پاننگے، سرکلر اٹ پاننگانے کہ گوشوارہ داخل کننگ نا تاریخ اٹ ودکی کن آن لائن درخواست ءِ ہم امنا کننگک۔ سرکلر اٹ پاننگانے کہ چیف کمشنر آتے پارت جاری کننگانے کہ او خراج ٹیکسس گوشوارہ داخل کننگ آن تعلقدار تاریخ اٹ ودکی نا درخواست آتیا فراخ دلی نا درشانی ءِ کیر۔
