بنجائی حکومت مچ آ ملک اٹی خصوصی اقتصادی زون تیا خاص چکار کننگ ءِ

اسلام آباد۔ 07 دسمبر (اے پی پی) بنجائی حکومت مچ آ ملک اٹی خصوصی اقتصادی زون تیا خاص چکار کننگ ءِ، دا زون تیٹی غٹ بنداوی گرج آتے پورو کننگ کن بنداوی پنجر، آسراتی ہند، انفارمیشن اینڈ ٹیکنالوجی و پیدوار اٹی ودکی کن پوسکن آ ٹیکنالوجی تون اوار صعنتی پیداواری خڑچ اٹی کمتی کون آآسراتی تیان پبی کاریم برجاءِ۔ پلاننگ کمیشن نا کنڈآن جاری کروک حساب وکتاب نا رداٹ حکومت ہرا انڈسٹریل اسٹیٹ و زون آ خاص چکار کننگ ءِ اوفتے ٹی ایم تھری انڈسٹریل سٹی فیصل آباد، ویلیو ایڈیشن سٹی فیصل آباد، قائد اعظم اپریل پارک شیخوپورہ، کورنگی کریک انڈسٹریل پارک، بن قاسم زون، خیرپورزون، حطار زون، رحیم یار خان زون، وہاڑی انڈسٹریل اسٹیٹ، بھلوال انڈسٹریل اسٹیٹ، آئل ولج راولپنڈی، رچنا انڈسٹریل پارک، رشکئی خصوصی اقتصادی زون سی پیک اوار ءُ۔ دا زون تیٹی پلانٹ و مشنیری آ اسہ وار اکن کسٹم ڈیوٹی آن استثنیٰ و ڈویلیپرآتیکن 5 سال انا استثنیٰ دوئی مریک۔ داکان بیدس 30 جون 2020ء آن پیدوار بناکروک آ یونٹ آتیکن پلانٹ و مشینری آ اسہ وار کسٹم ڈیوٹی آن استثنیٰ و دہ سال اکن انکم خراج آن استثنیٰ دوئی مریک ولے داکان پد پیدوار بناکروک آ یونٹ آتے 5 سال اکن دا استثنیٰ تننگک۔