احساس کفالت   ءَ چہ سیت چست کنوک آنی واستہ ویب پورٹل ءِ بنگیج کنگ بوت، ڈاکٹر ثانیہ نشتر

اسلام آباد۔5دسمبر (اے پی پی):احساس کفالت  ءِ مردم آنی  استیں جیڈھ آنی گیواری ءِ وا ستہ ھاسیں گامگیج ءِ رد ءَ ، احساس پروگرام ءِ بائیو میٹرک شکاست آنی  در جنگ ء، واستہ ایک ویب پورٹل ءِ بنگیج کنگ بوت۔ سرکاری رد ءَ ، احساس  ءِ چیر دستی ءَ نگدی زر آنی ٹرانسفر  اے ھپتگ ءِ  اول سر ءَ سرجمیں ملک ءَ چہ بندات کنگ بوتگ ءُ یک ھپتگے ءَ چہ کم وھد ءُ پاس ءَ، نوکیں پورٹل   (http://complaints.pass.gov.pk/) آن لائن پچ کنگ بوتگ  تانکہ کفالت ءَ چہ سیت چست کنوکیں مردم آنی  دزبندی ءَ را آسانی کار رپک ءِ گوما  لوٹ  کنگ بہ بیت۔ شکاست میکانزم ءِ یک بھر ءِ  رد ءَ، ڈپٹی کمشنر ، اسسٹنٹ کشمنر، شریکداسر بینک  آنی کارندہ، حبیب  بینک لمیٹڈ ءُ الفلاح بینک لمیٹڈ ءُ  احساس  ءِ فیلڈ  کارندہ  شکاست  کنوک ءِ سرجمیں نام، کمپوٹرائزڈ راجی کاٹ  درج  کنان ءَ بائی میٹرک شکاست آنی دزبندی  جوڑ کت کنت۔ آن لائن دزبندی جم کنوک آنی گوما، پورٹل  زوتیں رد ءَ ھم کفالت دزبندی کون ءِ واستہ یک نوکیں  حوالہ نمبر ے وت تیار کنت۔  پنچ شمبے ءِروچ ءَ حضرو کیمپ سائٹ ءِ وتی  تر ءُ تاب ءِ ساھت ءَ ، ایس اے پی ایم ڈاکٹرثانیہ نشتر ءَ ٹویٹر ءِ سر ءَ  گوشت،  آئی ءَ گوشت کہ من حضرو ءَ  احساس پی کے  دیگی زر ءِ کیمپ پجاری ءِ واستہ ڈی سی ءُ  اے سی ءِ واٹس ایپ گروپس ءِ ارزشت ءِ بابت ءَ گوشت۔  آئی ءَ گوشت کہ 24 کلاک آنی  اندر ءَ شکاست آنی گیواری ءِ واستہ پورٹل پچ کنگ بوتگ۔