مزن وزیر عمران خان  ءَ سٹیزن پورٹ ءِ وسیلگ ءَ مردم آنی  گس ءِ اندر ءَ انصاف پجاری کنان ءَ وتی سوگند ءَ را پیلو کتگ، وزیر ء، درئی کار شاہ محمود قریشی

اسلام آباد۔5دسمبر  (اے پی پی): وزیر ءِ درئی کار شاہ محمود قریشی ءَ گوشت کہ مزن وزیر عمران خان ءَ سٹیزن پورٹل ءِ وسیلگ ءَ مردم آنی گس  ءِ اندر ءَ  انصاف ءِ پجاری کنگ  ءِ وتی کتگیں سوگند ءَ را پیلو  کتگ۔ شمبے ءِ  روچ ءَ وتی بیان ءِ تہ ءَ مزن وزیر سٹیزن پورٹل ءِ دو سال  سرجم بوھگ ءِ پد ءَ مزن  وزیر ءَ را مبارک بات پیش کنان ءَ وزیر ءِ درئی کار ءَ گوشت  ھمے آ مٹی انت،  ھمیشی ءِ بابت ءَ مزن وزیر  عمران خان ءُ تحریک انصاف  ءَ راج ءَ گوں سوگند کتگ  بوتگ۔  وزیر ءِ  درئی کار ءَ مزن وزیر  ءِ  سٹیزن پورٹل ءِ  سر ءَ رستگیں شکاست آناں جوانیں رنگ ءَ  گیوار کنگ ءِ پد ء۔ سکریٹری درئی کار سہیل محمود  ءُ وزارت ءِ درئی کار ءِ سرجمیں ٹیمب ءِ کار کرد ءَ را ساڑات ءُ گوشت کہ کوویڈ 19 ھوپ ءِ ساھت ءَ وزارت ءَ ،  سرجمیں دگنیا ءَ نندوکیں پاکستانی  آنی کمک ءِ واستہ کرائسز سنٹر جوڑ کت۔  آئی ءَ گوشت کہ لھوپ ء، ساھت ءَ ڈن  ملک ءَ پستگیں لکھانی پاکستانی آناں وطن واپسی ءَ کمک پجاری کنگ بوت۔  شاہ محمود قریشی ءَ گوشت کہ وزارت ءِ درئی کار ءِ کارندہ آں یک رند ءِ پد ءَ سہرا کتگ کہ مردم آنی  ازمت ءِ سیم سر کارمیاتی ءِ  گوما درجنگ بوت کناں۔ آئی ءَ گوشت کہ مزن وزیر عمران خان ءَ سیٹیزن پورٹل ءِ وسیلگ ءَ مردم آنی گس ءِ اندر ءَ  انصاف ء، پجار ی کنگ ءِ وستی سوگند ءَ را پیلو کتگ۔ آئی ءَ گوشت کہ اے  ھما مٹ ءُ بدلی انت  کہ  ھمیشی ءِ  بابت ءَ مزن وزیر عمران خان ءُ پاکستان تحریک انصاف  ءَ راج ءَ گوں سوگند  کتگ بوتگ ایشی ءَ چہ  الس  ءِ شکاست  آناں وھد ءُ موہ ءِ سر  ءَ  گیوار کنگ ءَ کمک رستگ۔