کوئٹہ۔5دسمبر (اے پی پی):صوبائی وزیر ھزانگ میر ظہور بلیدی ءَ گوشت کہ وانندوگیں ءُ وشھالیں مکران منی سسا انت، اے مول ءُ مراد ءِ در جنگ ءَ را دل یکیمی جوڑ کنگب ءِ واستہ گامگیج چست کنگ بوھگ ءَ انت۔ وانندگ ءُ وشھالیں مکران آئی ءِ وژن انت ءُ ھمیشی ءِ رد ءَ سروکی ءَ آیگ ءَ پیسر الس ءَ گوں کتگیں سوگند آناں پکوئیں رنگ دیگ ء، واستہ ھمک فورم ءِ سر ءَ گامگیج کنگ بوھگ ءَ انت کالج آنی تہ ءَ وانوکیں نودربر آنی مشکل آنی گیواری ءِ واستہ گیش بس پجاری کنگ بوتگ تانکہ دور ءُ گستائیں دمگ آں چہ آیوکیں جنگ ءُ بچکیں نودربر علم ءِ زانت ءِ در جنگ دل یکیمی بہ بیت چیا کہ وانگ ءُ زانگ کجام ھم دمگ ءِ دیمروئی ءُ وشھالی ء، واستہ مدام کلیتی کرد پیلو کنت انت اے رد ءَ گورنمنٹ بوائز انٹر کالج ہوشاپ ءُ گورنمنٹ بوائز انٹر کالج بلیدی ءَ را اپ گریڈ کنان ءَ ڈگری کالج ءِ درجگ دیگ بوتگ ایشی ءَ چہ نودربر آناں مزن تکی وانگ ءُ زانگ ءِ در جنگ ءِ سسا پیلو بنت ایشی ءَ ھوالر خضدار انجینئرنگ یونیورسٹی تربت کیمپس ءَ نیشنل ٹیکنالوجی کونسل ءَ بی۔ایس۔سی انجینئرنگ،کمپوٹر،ٹیکنکل ءُ میکینکل پروگرام آنی شرطیہ این او سی ھم جاڑی کتگ ءُ اے سب کمیپس ءَ زوت کلاس آنی بنگیج بیت۔ آئی ءَ گوشت کہ اے پی پی ءَ گوں تران کنان ءَ صوبائی وزیر ءَ گوشت کہ مکران ءَ را دو سال ءِ لُکوکیں وھد ءُ پاس ءِ تہ ءَ دیمروئی ءِ کشک ءَ رھادگ کنگ بوتگ ءُ وتی دمگ ءِ الس آنی بنیاتی ضلورت آناں پیلو کنگ ءِ واستہ ما ھمک وھد کوشست کنگ ءَ آں۔ دمگ ءَ وانگ ءُ زانگ ، جان سلامتی ، ورگی ساپیں آپ ءِ پجاری ءُ سڑک آنی جال چیر گیجگ بوتگ آئی ءَ گوشت کہ بلیدہ ، ہوشاپ، تربت ءُ ایندگر دمگ آنی سدانی کساس ءَ پرائمری ، مڈل ، ہائی سکول ءُ کالج آنی بنیاتی کوکا ءِ گہتری ءُ اے وانگ جا آنی تہءَ نودربر آناں وانگ ءُ زانگ ءِ آسراتی پجاریءِ واستہ مزنیں کساس ءَ فنڈ کارمرد کنگ بوھگ ءَ انت۔
