اسلام آباد۔5دسمبر (اے پی پی):ڈپٹی کمشنراسلام آباد حمزہ شفقات ءَ گوشت کہ بی آئی ایس پی احساس کفالت پروگرام ء، چیر دستی ءَ زالبول آنی واستہ دو سئے ماھی زر آنی واستہ 12 ہزار کلدار اتکگ انت ایش اسلام آباد ءِ بنجاھ آنی تہ ءَ در جنگ بنت، زر آنی گرگ ءِ ھوالگ ءَ ھرچ جیڈھ بیت گڈا وتی شکاست ءَ در کت کنئے۔ اے ھیالانی درشانی آئی ءَ شمبے ءِ روچ ءَ وتی ویڈیو کلوہ ءِ تہ ءَ کت۔ ڈپٹی کمشنر اسلام آباد ء۔ گوشت کہ آ توامیں زالبول ھما کہ بی آئی ایس پی ءِ احساس کفالت پروگرام ءَ رجسٹرڈ بوتگ انت آواناں ھال دیگ لوٹاں کہ آ ھمک مردم دو سئے ماھی ءِ واستہ کساس 12 ہزار کلدار اتکگ ایش اسلام آباد ءِ 6 بنجاھ آنی تہ ءَ گرگ بوت کناں، ھما بنجاھ آنی تہ ءَ زر گرگ بیت آوانی تہ ءَ ، آئی ایم سی بی ترنول، کمیونٹی سنٹر جی نائن ، آئی ایم سی جی بہارہ کہو ، آئی ایم سی جی ہمک ، آئی ایم سی بی ترنول ءُ آئی ایم سی بی جی سکس تھری ھوار انت۔ ڈپٹی کمشنر ءَ گوشت کہ اے بنجاھ آنی تہءَ شما را 12 ہزار کلدار دیگ بیت ایشی ھوار ھمک مردم ءَ را زر ءِ دیگ ءِ ساھت ءَ یک رسید ءِ دیگ بیت۔ رسید ءِ دست گرگ ءَ اچ کس بے ھیال مہ بئے۔ اگاں شمارا کسے بے سر ءُ بے پادیں جست ءُ پرس یا ردئیں انفارمیشن دیگ ءِ جھد ءَ کنت یا زر لوٹ ایت گڈاس وتی شکاست آں 051-9334514 ءِ سر ءَ درج بکن ات تانکہ ایشاناں گیواری کنگ بہ بیت۔
