کوئٹہ۔ 04 دسمبر (اے پی پی) بنجائی وزیر ریلوائی شیخ رشید احمد پارینے کہ یانزدہ پارٹی بیرہ داخاطرآن یکجا ءُ کہ اوفتا برخلاف کرپشن نا کیس آک ءُ، پی ڈی ایم پاہک وونٹ ءِ شرف ایتبو و ووٹر آتے کہینگ کن ہلبو، پاکستان ریلوائی نا حالیت ایم ایل ون نا پوروی اسکان سہی مریک و شاری تے زبردست سفری آسراتی اس ایتنہ، ریلوائی نا گودام تا جوڑ جاڑ نا کاریم نا بناءِ کرسا ریلوائی لین نا اپ گریڈیشن ءِ کننگک۔ پاک اوغان سیم آ ریلوائی نا ڈغار تا بابت معاملہ ءِ نہہ دسمبر نا دیوان اٹی ایسر کننگک۔ داہیت ءِ او جمعہ نادے آ چمن اٹی پاک اوغان بارڈر آ آئی ٹی ٹی ایم ایس پروجیکٹ و این ایل سی پروجیکٹ نا دورہ ءِ کننگ نا وخت آصحافی تتون گپ وتران کرسا پارے۔ بنجائی وزیر ریلوائی شیخ رشید احمد پارے کہ چندی جنوریک بسر و اخس ہنار۔ وزیراعظم عمران خان تینا 5 سال ءِ پورو کیک۔، مچ آ دنیا ٹی کبینی ءِ، حکومت نا گچین ڈٹ بندی آن کورونا دین انا اولیکو ریسہ تون جوان وڑاٹ مون تننگا۔ اوپارے کہ پی ڈی ایم پین پین غٹ است آن دیر، عمران خان 5 سال ءِ پورو کیک، چندی جنوری بسر و ہنار۔ پی ڈی ایم پاہک وونٹ ءِ شرف ایتبو ولے ووٹر آتے کورونا غان کہینگ کن الیبو، کورونا دین انا اولیکوریسہ ٹی اللہ رحم کرے پاکستان رکھ مس۔
