اسلام آباد۔4دسمبر (اے پی پی):پاکستان سٹیزن پورٹل ءِ دو سالی کار کردی رپوٹ جاڑی کنگ بوت۔ پورٹل ءِ سر ءَ دو سال آنی تہ ءَ رجسٹرڈ مردم آنی کساس 30 لکھ ءَ چہ گیش ود اتگ، دو سال آنی تہ ءَ پورٹل ءَ را 27 لکھ ءَ چہ گیش شکاست رستگ انت وھدیکہ 25 لکھ ءَ چہ شکاست آناں گیوار کنگ بوتگ، پورٹل ءِ وسیلگ ءَ رستگیں شکاست آنی گیواری ءِ پد ءَ نادرا ءِ کار کرد درستاں چی گیش دلبڈیں بوتگ، ملک ءَ چہ ڈن نندوکیں مردم آنی نیمگ ءَ یک لکھ 36 ہزار ءَ چہ گیش رستگیں شکاست آنی تہ ءَ یک لکھ 28 ہزار گیوار کنگ بوتگ۔ آدینگ ءِ روچ ءَ مزن وزیر سیکرٹریٹ ءَ مزن وزیر ءِ سروکی ءَ مراگش ءِ برجم دارگ بوت ایشی ءِ تہءَ دو سالی کار کرد جاڑی کنگ بوت۔ پی ایم ڈی یو ءِ انچارج عادل صافی ءَ کار کردی رپورٹ ءِ ھوالگ ءَ سرپد دات ءُ گوشت کہ 27 لکھ 60 ہزار رستگیں شکاست آنی تہ ءَ 13 لکھ 41 ہزار بنجاھی حکومت، 9 لکھ 45 ہزار ءَ چہ گیش پنجاپ، 2 لکھ 62 ہزار خیبر پختونخوا، یک لکھ 67 ہزار سندھ، 22 ہزار 700 اسلام آباد، 19 ہزار 600 بلوچستان، 3421 گلگت بلتستان وھدیکہ 619 شکاست آزات جموں کشمیر حکومت ءِ ھلاپ ءَ رستگ انت۔ بنجاھ ءَ درستاں چہ گیش شکاست توان ءُ ھاٹیگ ءِ ھوالگ ءَ بوتگ انت ایشانی کساس 4 لکھ 97 ہزار ءَ چہ گیش بوتگ انت، پنجاپ ءَ درستاں چہ گیش میونسپل سروسز ءِ ھوالگ ءَ شکاست بوتگ انت، ایندگر صوبگ آنی تہ ءَ ھم میونسپل سروسز ءِ ھوالگ ءَ شکاست آنی کساس درستاں چہ گیش شکاست گیش ءُ گیوار ءِ کساس بنجاھ ءُ خیبر پختوانخوا ءَ 95 درسد بوتگ، پنجاپ ءَ 94 درسد، سندھ ءَ 86 ، اسلام آباد ءَ 78 ، بلوچستان ءَ 89 درسد، گلگت بلتستان ءَ 84، آزات جموں کشمیر ءَ 85 درسد بوتگ۔ بریفنگ ءَ گوشگ بوت کہ پورٹل ءِ سر ءَ 11 لکھ گیر ملکی ھم رجسٹر انت، دور ءُ گستائیں دمگ آں گوں سیادی داروکیں مردم آنی واستہ ہیلپ لائن ھم جوڑ کنگ بوتگ، ایشی ءَ چہ آ پورٹل ءِ ھوالگ ءَ مالوم داری گپت کناں۔
