پاکستان سٹیزن پورٹل مدینہ  ءِ  ریاست ءِ نیمگ ءَ ارزشتی ایں گام  ات،  ایشی ءَ چہ ادارگ، بیوروکریسی ءُ وزیر آنی کار کرد  ءَ را  چار ءُ تپاس  کنگ ءَ کمک رسیت، مزن وزیر عمران خان  

اسلام آباد۔4دسمبر  (اے پی پی): مزن وزیر عمران خان ءَ گوشت  کہ  پاکستان سٹیزن پورٹل مدینہ  ءِ ریاست  ءِ نیمگ ءَ یک ارزشتی ایں گام  ات،  ایشی ءَ  چہ ادارگ ، بیورکریسی ءُ  وزیر ءِ کار کرد  ءَ را چار ءُ تپاسی  ءَ کمک رسیت، ھندی حکومت آنی نوکیں نظام  ءَ چہ آشوب کئیت ءُ الس ءِ جیڈھ آوانی وت شہر ءِ توک ءَ گیوار بنت، الس ءَ گوں دزبندی انت کہ آ  شمارا وت مستر جوڑ کنگ ءِ واستہ اے پورٹل ءَ  گیشاں چہ گیش کارمردی ءَ  بکن انت۔ آدینگ ءِ روچ ءَ  پاکستان سیٹیزن پورٹل ءِ دو سالی کار کرد ءِ ھوالگ ءَ  ھاسیں مراگش ءَ گوں گشتانک دیان ءَ مزن وزیر  عمران خان  ءَ گوشت کہ پاکستان سیٹیزن  پورٹل  ءِ ٹیمب ءَ  ھمے جزم ءَ گوں اے  یونٹ ءَ را چلائینتگ  ایش مبارک بات ءِ  لائک انت۔  اے پورٹل ءَ چہ الس ءَ را  وت مستر جوڑ کنگ ءِ ھوالگ ءَ اے نوکیں سسا     سہرا بوتگ۔  مزن وزیر  ءَ گوشت کہ  ایش بدبھتی انت کہ   آ وھد ءَ آجوئی رستگ  ایشی ءَ چہ پیسر ادا حکومت کنوکیں  مردم  آنی وڑ ءَ مئے  سروک آنی زہنیت ھم  مٹ نہ بوتگ۔  آ ایش پھمگ ءَ  بوتگ انت کہ انگریزی ءِ جاھ  آئی ءَ   گپتگ۔   انگریز دومی ملک آں  چہ  آیان ءَ غلام  آنی سر ءَ  حکومت کنگ ءَ بوتگ وتی ملک ءَ شہری آنی گوما   اے رویہ ءُ وھد ءِ ادا جتا بوتگ۔ مزن وزیر  ءَ گوشست  کہ انگریز آں وتی  شہر آناں وت مستری ءُ ٹیکس دیوک بوتگ انت ھمے واستہ  آ گوں دگہ نمونگ آنی گوما دیم پہ دیم بوتگ انت۔  مزن وزیر ءَ گوشت کہ پاکستان سٹیزن پورٹل ءِ جوڑیشت  مدینہ ءِ ریاست ءِ نیمگ ءَ یک دیمروئی گام ات مدینہ ءِ ریاست  دگنیا ءِ راجدپتر ءَ    ھما اولی ریاست بوتگ آھودا ھمزور، بزگ ءُ چورا  ءُ پیریں آنی زمہ واری ریاست  ءَ  وتی کوپگ آں زرتگ  بوتگ انت۔  بادشاہت ءَ  اے وڑ نہ بوتگ۔   جمہوریت ءَ سروک آناں ووٹ گرگی انت  ، ووٹ گرگ ءِ واستہ پدا  الس ءِ دیم ءَ روگی انت پمشکہ  آئی ءَ را شر بوھگی انت۔  الس ءِ ازمت  حکومت ءِ اولی زمہ واری انت۔ مزن وزیر  ءَ گوشت کہ پاکستان ءَ  انوگ ءَ تاں سی لاکھ مردم آں کارمرد کتگ  ایشی ءَ چہ ما ھمے سرپد باں کہ  کجام حکومت یا ادارگ  ءِ ھلاپ ءَ چکیاس شکاست است انت۔ مزن وزیر ءَ گوشت کہ توامیں  جیڈھ  ھندی حکومت آنی ناکامی ءِ سبب ءَ انت  ،  ما  ھندی حکومت ءِ یک نظام ءِ آرگ ءَ آں ایشیءَ چہ آشوب ءِ  کئیت،  کوچگ آنی مردم  وتی واستہ وت  یک سروک ءِ در بچن آں  دگنیا ءَ شہری جیڈھ آناں حکومت گیوار کنگ کراچی  پشاور  ءَ ھوار ٹوھیں ٹوھیں شہر آنی  تہءَ یک شلیں گچین کاری  بنت ءُ وتی جندے حکومت جوڑ بنت ،  اے جیڈھ  آناں وتی شہر آنی تہءَ گیوار  بنت مزن وزیر ءَ گوشت کہ  لڈ ءُ بار کنوکیں  ملکی مردم پاکستان ءِ مڈی انت،  آوانی جیڈھ  سیٹیزن پورٹل ءِ  وسیلگ  ءَ گیوار بوھگ ءَ انت۔  آئی ءَ اوورسیز پاکستان  آنا گوشت کہ آ سٹیزن پورٹل ءِ کارمردی ءَ گیشاں چہ گیش بکن انت۔  مزن وزیر  ءَ گوشت کہ  پنجاپ  ءُ سندھ ءَ ھاسیں رنگ ءَ تھانہ دار ءُ  اے سی  ءِ نیمگ ءَ زرّ  گرگ ءُ کار کنگ ءِ  جیڈھ  است انت۔  اگاں اے مردم  کجام ھم شہری  ءَ چہ  رشوت  لوٹاں گڈا  زوتاں چہ زوت  سیٹیزن پورٹل ءِ سر ءَ شکاست  بکن ات ،  آواں چہ پسو گرگ مئے کار انت  ایشیءَ چہ الس دلرنج نہ بنت۔  مزن  وزیر  ءَ  گوشت  کہ  گیش مردم سٹیزن پورٹل ءِ  کارمردی ءَ بکن انت،  ایشی ءِ سر ءَ حکومت ءِ  انوگ ءَ تاں اچ فنڈ  نہ لگ اتگ،  ایشرا انگ گیش وت مستر       ءُ  مھکم جوڑ کنگ بیت۔ مزن وزیر ءَ گوشت کہ  مزن وزیر ءِ بستار ءَ  اے سسٹم ءَ چہ من گیش سرپد ی رستگ کہ آسانی  بیت ۔ مزن وزیر  ءَ گوشت کہ ھرچ آفیسر ءِ کار کرد  اگاں نوں شر نہ بوت  آرا  دومی جاھ ءَ پوسٹ کنگ  ءِ جاھ ءَ فارگ کنگ بیت۔ مزن وزیر ءَ گوشت کہ سٹیزن پورٹل  ءِ دو سالی کار کرد ءِ ھوالگ ءَ بریفنگ دیگ بوت۔ سینیٹر فیصل جاوید مراگش  ءِ  دارچین  اَت۔