اسلام آباد۔ 03 دسمبر (اے پی پی) فوج انا شعبہ تعلقات عامہ نا ڈائریکٹر جنرل میجر جنرل بابر افتخار پارینے کہ جہانی برادری بھارتی ریاستی دہشت گردی نا شاہدی تے سنجیدگی اٹ ہلکونے، 5 اگست 2019 ء نا گام گیج آن پد جہانی کہول آ بھارت نا پوزیشن نزور مسنے، بھارت فالس فلیگ آپریشن کون آ ڈرامہ کننگ ءِ و جہانی برادری نا چکار ءِ اسہ کنڈ کننگ کن ایل اوسی آ جنگ بندی معاہدہ نا خلاف ورزی ءِ کننگ ءِ۔ پنچ شنبے نادے آ گلوبل ویلیج سپیس ءِ تینا انٹرویو ٹی اوبھارت نا ریاستی دہشت گردی نا برخلاف پاکستان نا ڈوزیئر نا اہم ٹک آتے تالان کرے و ایل او سی نا حالیت، سی پیک، ففتھ جنریشن وار فیئر آ سرجم گپ وتران کرے۔ میجر جنرل بابر افتخار پارے کہ دنیا داسہ بھارتی اسپانسرڈ دہشت گردی نا ہیت ءِ کننگ ءِ۔ پاکستان دہشت گردی ٹی بھارت نا اوار مننگ نا ڈوزیئر ءِ مون آ ایسونے۔ پاکستان انسانی حق انا خلاف ورزی تیٹی بھارت نا اوار مننگ نا شاہدی ہم پیش کرینے، ڈوزیئر مون آ بننگ آن پد دنیا بھارتی دہشت گردی آ پاش آن پاش ہیت کننگ ءِ۔ اوپارے کہ دفترخارجہ ڈوزیئر سلامتی کونسل نا آخبتی باسک آتے پیش کرے، اقوام متحدہ نا سیکرٹری جنرل ءِ ہم ڈوزیئر پیش کننگا، او آئی سی نا وزرائے خارجہ نا اعلامیہ ٹی ہم معاملہ ءِ پین مون آ دینہ کانہ۔ اوپارے کہ اقتصادی راہداری اسہ گیم چینجر ڈٹ اسے، دا ڈٹ اٹ مچ آ ڈیہہ تون رابطہ غاتا صلاحیت ءِ ہرانئے بیرہ پاکستان بلکن مچ آ ڈیہہ نا شونہالی نا ڈٹ ءِ۔ اوپارے کہ چینی پارٹنر سی پیک ڈٹ انا سیکورٹی بست و بند آتیان است جم ءُ۔ اوپارے کہ سی پیک ءِ نسخان تننگ نا ہر بھارتی سازش ءِ بے سہب کینہ و انشاء اللہ سی پی ہڑدے مست آن زیات شون ہلیک۔ آئی ایس پی آر نا ڈائریکٹر جنرل پارے کہ ننے ڈیہہ نا حالیت آتے نارملانز کننگ نا گرج ءِ۔ اوغان امن عمل نا بابت اوپارے کہ نن اوغان سرکڑدہ غاتون دا ویل آ ہیت کرسا کینہ، دا چرجوئی ٹی اسہ باقاعدہ میکنزم اس ساڑی ءِ،کورونا حالیت آتیا او داچرجوئی ٹی میڈیا نا کڑد انا ستاءِ کرے و پارے کہ کورونا حالیت آتا بابت آگاہی کن این سی او سی ہم اہم کڑد ادا کننگ ءِ۔ میجر جنرل بابر افتخار پارے کہ کورونا نا اولیکو ریسہ ٹی ہراخامیک مون آ بسر اوفتے ہلہلہ ئی بنداو تیا مُر کننگ کن گام گیج کننگ اُن و ارٹ میکو ریسہ نا تیاری اولیکو ریسہ نا مقابلہ ٹی خاصی گچین ءِ۔ اوپارے کہ نن کورونا نا ارٹ میکو ریسہ نا گچین وڑاٹ مقابلہ ءِ کننگ اُن و دا بابت فرنٹ لین ہیلتھ ورکرآتے خراج تحسین پیش کیوہ۔ اوپارے کہ کورونا نا ارٹ میکو ریسہ ٹی نن غٹ ءِ زیات احتیاط و اسہ ایلو نا کمک نا گرج ءِ۔
