اسلام آباد۔4دسمبر (اے پی پی): مزن وزیر عمران خان ءَ گوشت کہ کورونا ھوپ ءِ رند پد آں گوں گر ءُ چیل بوھگ ءِ واستہ 10 ٹکی ایجنڈا پیش کنان ءَ گوشت کہ کورونا وائرس ءِ گر ءُ دار ءِ واستہ یکجائی کوشست کنگ لوٹ ایت، دیمروئی کنوکیں ملک آنی واستہ ری سٹرکچرنگ کنگ بہ بیت، پنچ سد ارب ڈالر ءِ ھاسیں فنڈ بست ءُ بند کنگ بہ بیت، پشمندگیں ملک آنی وام آناں ماپ کنگ بہ بیت، میاں اوستمانی مالیاتی نظام ءِ نوک سر جوڑیشت ءِ ضلورت انت، لٹ ءُ پل کنوکیں سیاستدان ءُ کریمنلیں مردمک آنی نیمگ ءَ چہ دزتگیں دولت آناں واپس کنگ بہ بیت، معاشی سیکورٹی ءُ کشاں چیل ءِ ھلاسی ءِ واستہ یونائیٹڈ نیشن ءِ چارٹر ءِ کار آناں دل یکیمی کنگ بہ بیت، پاکستان ءَ کورونا وائرس ءِ جاور ھال آں گوں گر ءُ چیل بوھگ ءِ واستہ 8 ارب ءِ ریلیف پیکیج داتگ ءُ سمارٹ لاک ڈائون ءِ کامیات پالیشی ءِ سر ءَ کار کتگ، کورونا وائرس ءَ 15 لکھ مردم کشتگ، ویکسین ھمک مردم ءِ واستہ پجاری کنگ بہ بیئت، کورونا وائرس ءِ گر ءُ دار ءِ واستہ یکجائی کوشست کنگ لوٹ ایت، لٹ ءُ پل کنوکیں سیاست دان ءُ کریمنلیں مردم آنی دزتگیں زر آنی واپس کنگ بہ بیت۔ اے ھیالانی درشانی آئی ءَ پنچ شمبے ءَ کورونا ھوپ ءِ آسر آنی چار ءُ تپاسی ءُ معاشی تاوان آنی سر ءَ دلگوشی ءِ واستہ یونائیٹڈ نیشن ءِ جنرل اسمبلی ءِ ورچوئل دیوان ءَ گوں ویڈیو لنک ءِ وسیلگ ءَ گشتانک دیان ءَ کت۔ مزن وزیر ءَ گوشت کہ اے ھاسیں دیوان ءِ برجائی ءِ شور ءُ سلاھ دیگ ءِ پد ءَ “گیر وابستہ تحریک” ءِ چیئرمین ءُ آزربائیجان ءِ صدر الہام علیوف ءِ منت وار آں، کورونا ھوپ دومی ٹوھیں جنگ ءَ چہ پد درستاں چہ گیش ٹوھیں میاں اوستمانی ڈکال انت۔ اے وائرس ءَ کساس شش کروڑ پنجاھ لکھ مردم آماچ ءُ 15 لکھ ءِ نزیک ءَ مردم بیران بوتگ انت۔ آئی ئَ گوشت کہ کورونا ویکسین ھمک مردم ءِ واستہ پجاری بہ بیت، کورونا ھوپ ءِ سبب ءِ مردم آنی مشکل سک باز گیش بوتگ انت، 1930 ءَ چہ پد کورونا ءِ سبب ءَ درستاں چہ مستریں معاشی ڈکالی ءِ گوما دیم پہ دیمی کنگ کنگ کپتگ، اے ھوپ ءَ چہ گریبیں ملک ءُ توامیں ملک آنی تہ ءَ نندوکیں گریبیں مردم سک باز آماچ بوتگ انت۔ آئی ءَ گوشت کہ دیمروئی کنوکیں ملک آنی کساس دھ کروڑ مردم کورونا ءِ سبب ءَ گریب جھلی تک ءَ رونت ۔ مزن وزیر ءَ گوشت کہ امیر ملک آں وتی معیشیت آناں گر ءُ دار ءِ واستہ 13 ٹریلین ڈالر ھرچ کتگ وھدیکہ دومی نیمگ ءَ نوک دیمروئی کنوکیں ملک آنی کرا معیشت ءَ را گر ءُ دار کنگ ءِ واستہہ آسراتی نیست۔ نوک دیمروئی کنوکیں ملک دو ءَ چہ سئے ٹریلین ڈالر ءِ ھم بندوبست کت نہ کنگ ءَ انت۔ آئی ءَ گوشت کہ پاکستان سمارٹ لاک ڈائون ءِ کامیاتیں پالیشی ءِ سر ءَ کار کتگ۔ آ ئی ءَ گوشت کہ ما نا ایوکی ء۔ مردم آناں وائرس ءَ چہ رکھینگ بلکینگ ءَ گریبی ءَ چہ رکھینگ ءِ واستہ کوشست کتگ ءُ ما کساس 8 ارب ڈالر ءِ ریلیف پیکیج داتگ۔ ایش مئے جی ڈی پی ءِ کساس سئے درسد انت ءُ ایشی مول ءُ مراد گریب آنی کمک کنگ ءُ معیشت ءَ را برجم دارگ انت۔ آئی ءَ گوشت کہ نوں مارا کورونا ھوپ ءِ دومی ترندیں فیز ءِ گوما دیم پہ دیمی انت ایشی ءِ جوانی ءَ گوں دیم پہ دیمی کنگ ءَ آں ءُ ،ارا وتی معاشی نمبگ ءِ برجائی ءُ ایشرا یک شل ءَ دارگ ءِ گوما کورونا ءِ مریض آنی کساس ءِ تہ ءَ گیش بوھوکیں گیشی ءِ گوما دیم پہ دیمی انت ایشی ءِ سبب ءَ مئے ہسپتال آنی تہ ءَ رش گیش بوھگ ءَ انت۔ مزن وزیر ءَ گوشت کہ آئی ایم ایف ءِ منیجنگ ڈائریکٹر ءَ معاشی برجائی ءِ واستہ گیشاں چہ گیش فنڈ ءِ ھرچ کنگ ءِ ضلورت ءِ سر ءَ زور پر دات بلے بازیں نوک دیمروئی کنوکیں ملک آنی وڑ ءَ پاکستان آئی ایم ایف پروگرام ءِ چیر دستیں بجٹ وام ءِ تہ ءَ کمی ءِ واستہ گامگیج کنگ ءَ انت۔ آئی ءَ گوشت کہ منا دل یکیمی انت کہ دومی نوک دیمروئی کنوکیں ملک آناں مئے جاور ھال آنی گوما دیم پہ دیمی انت کجام وڑ ءَ معیشت ءَ را برجا ءُ دومی نیمگ ءَ بجٹ وام ءِ تہ ءَ کمک آرگ بہ بیت۔ آئی ءَ گوشت کہ گیش سرمایہ ءَ تاں پجگ مالیاتی انتظامی ءُ نمبگ آنی برجائی ءِ کشک انت۔ آئی ءَ گوشت کہ اپریل ءَ آئی ءَ وام آنی ریلیف ءِ ھوالگ ءَ میاں اوستمانی گامگیج آنی دزبندی کتگ بوتگ، مئی ءَ جی ٹوینٹی ملک آنی نیمگ ءَ وام آناں مھتل کنگ ءُ ایشی ءَ چہ پد آیوکیں سال جون ءَ تاں ایشی گیش شاھیگانی کنگ ءِ آئی شگر ءُ منت وار آں۔ ایشی ءَ ابید ما آئی ایم ایف ءُ ورلڈ بینک ءِ نیمگ ءَ وام آنی تہ ءَ گیش گیشیں پجاری ءِ آسراتی ءِ واستہ ھم گامگیج آناں ساڑا آں۔ آئی ءَ گوشت کہ انوگ ءَ تاں ھرچی زر یکجا کتگ آ کورونا ھوپ ءِ رند پد آنی واستہ آ دیمروئی کنوکیں ملک آنی ضلورت سرجم کنگ ءِ واستہ آ دیمروئی کنوکیں ملک آنی ضلورت پیلو کنگ ءِ واستہ سرجم ءُ برجم نہ انت ءُ پنچ نوک دیمروئی کنوکیں ملک وتی وام آنی ھوالگ ءَ پیسر ءَ چہ ڈکال ءِ آماچ بوتگ انت ءُ ایندگر ملک ھم آوانی وڑ ءَ ڈکال ءِ آماچ بوت کن انت۔ بازیں ملک آناں مزنیں کساس ءَ وام آنی پجاری ءُ گرگ ءِ تہ ءَ کمی ءِ جیڈھ ءَ گوں آماچ انت ءُ آ ھم معاشی تباھی ءِ سیم ءَ انت۔ آئی ءَ گوشت کہ دگنیا ءَ گوشتگ کہ بازیں دمگ آنی تہ ءَ استیں گریبی ءِ ھوالگ ءَ میاں اوستمانی ادارگ برائے وردن ءُ وراک ءِ رپوٹ بیم ناک انت۔ آئی ءَ گوشت کہ یونائیٹڈ نیشن ءِ سیکریٹری جنرل ءُ کینڈا ءُ جمیکا ءِ مزن وزیر ءَ دیمروئی ءِ واستہ مالی کمک ءِ ھوالگ ءَ کمک آنی جیڈھ سہرا کتگ۔ ایشی اندر ءَنوک دیمروئی کنوکیں ملک آنی مالی کمک ءِ واستہ سدا نی کساس آپشنز آنی ٹک ءُ نشان کنگ بوتگ۔ ما امیت کنان کہ اے کار ءَ را بازیں مھکمیں گامگیج آنی وسیلگ ءَ گڈی سیم سر آں تاں پجارینت ءُ سر کت کناں۔ مزن وزیر ءَ گوشت کہ میاں اوستمانی مالیاتی نظام ءَ گہتری ، وام آنی انتظام کنگ ءِ ٹوھیں ءُ ھمکچیں کار رپک ءِ رد ءُ بند کنت، یک جمہوری ایس ڈی جی ٹریڈنگ سسٹم ءِ جوڑیشت ءُ ٹیکس ءِ جوانیں میاں اوستمانی رھبند جوڑ کنگ ءِ ضلورت انت۔ آئی ءَ گوشت کہ اگاں کورونا ءِ ھوپ ءِ سبب ءَ بازیں دیمروئی کنوکیں ملک آنی اندر ءَ اقتصادی تباہی ءَ را گر ءُ دارگ کنگی انت گڈا ھمے ھاترا میاں اوستمانی برات آناں بازیں اول سرئی گامگیج کنگ لوٹ ایت۔ آئی ءَ گوشت کہ کورونا ڈکال ءَ چہ ڈن در کنگ ءِ واستہ یکجائی کوشست ءِ ضلورت انت ءُ ایشی ءِ گوما مھکمیں دیمروئی ءِ سیم سر آنی در جنگ ءُ پیرس منوگری ءِ چیر دستی ءَ گیشینتگیں سیم سر آنی در جنگ ءِ واستہ کوشست ءِ ضلورت انت۔ یکجائی معاشی سیکورٹی ءُ کشاں چیل ءِ ھلاسی ءِ واستہ یونائیٹڈنیشن ءِ چارٹر ءِ پد ءُ رندی ءَ را دل یکیمی جوڑ کنگ بہ بیت ءُ اے چارٹر ءِ رھبند آنی رد ءَ مارا برجم ءُ مھکمیں اقتصادی ، چاگردی ءُ سیاسی نظام ءِ واستہ یکجائی ءَ کار کنگ لوٹ ایت۔
