اسلام آباد۔ 03 دسمبر (اے پی پی) ڈپٹی چیئرمین پلاننگ کمیشن ڈاکٹر محمد جہانزیب خان پارینے کہ حکومت ملک اٹی جان جوڑی نا آسراتی تا گچین کننگ کن اولیتی بنداو تیا گام گیج کننگ ءِ۔ داخیال آتا درشانی ءِ او سینٹرل ڈویلپمنٹ ورکنگ پارٹی نا دیوان آن تران کرسا کرے۔ دیوان اٹی سلاہ ئی بدلی تتون 70 ارب روپئی مالیت نا ’’کوویڈ۔ 19 رسپانس و ایلو قدرتی آفت کنٹرول پروگرام‘‘ نا سرحال آن پروجیکٹ کن کمیٹی نا سلاہ و سوج آتیان امنا کننگا۔ دا پروجیکٹ نا پی سی ون قومی پروگرام ءِ آسراتی تیٹی گچینی اتنگ کن 50:50بنداوی آسراتی تا رداٹ ضلعی ہیڈکوارٹر/تحصیل ہیڈکوارٹر نا کہول انا ہسپتال آتیٹی غٹ صوبہ غاتے مالی اعانت فراوان کیک ہراٹی انسانی جان جوڑی تون ساہدار تیکن ہم جان جوڑی نا چاروکی، دیر انا سفائی نا قومی پروگرام و ہندی انفراسٹرکچر اٹ حفظان جان جوڑی و گچینی کن مالی اعانت اوار ءِ۔ دا ڈٹ اٹی آزاد کشمیر و گلگت بلتستان ہم اوار ءُ۔
