اسلام آباد۔ 03 دسمبر (اے پی پی) چیئرمین سینیٹ محمد صادق سنجرانی پارینے کہ آجو صحافت ملک اٹی جمہوری رویہ غاتا مون آ دننگ اٹ کمکار مریک، سویلی پنجاب نا دودوربیدہ ناتینا اسہ جتا ءُ انداز اسے۔ صحافی تا راجی آسراتی و رکھ اکن کانود سازی تون اوار ایلو گام گیج آتیا سجفنگ انگ ءِ۔ داخیال آتا درشانی ءِ او تونسہ پریس کلب نا صحافی تا ڈل اتون گپ وتران کرسا کرے ہرا پنچ شنبے نا دے آ پارلیمنٹ ہاؤس اٹی اوڑتون اوڑدہی کریر۔ اوڑدہی ٹی چیئرمین سینیٹ پارے کہ آجو صحافت ملک اٹی جمہوری رویہ غاتا مون آ دننگ اٹ کمکار مریک۔ سویلی پنجاب نا دودوربیدہ نا تینا سہ جتا ءُ انداز اسے۔ اوپارے کہ مُر مُر انگا علاقہ غاتیٹی فرض سرتروک آ صحافیک وسیلہ غاتا کمتی آن پد ہم الس ءِ باخبر تخنگ کن کوشست کننگ ءُ۔ صحافی تا راجی آسراتی و رکھ اکن کانودسازی تون اوار ایلو گام گیج آتیا سجفنگ انگ ءِ۔ اوپارے کہ تعلقدار اسٹیک ہولڈرآتون سلابت کینہ۔ میڈیا ریاست نا اہم تمبہ ءِ۔ السی آگاہی و شعور تالان کننگ اٹ میڈیا نا کلیدی کڑد اسے۔ چیئرمین سینیٹ پارے کہ میڈیا پسماندہ تپہ غاتا توار ءِ پارلیمان اسکان سرکننگ نا اہم ذریعہ ءِ۔ چیئرمین سینیٹ ایوان بالا نا صوبائی رابطہ کاری و ادارہ جاتی کمکاری ءِ مون آ دننگ نا بابت گام گیج آتا بابت معلومدار کرےوپارے کہ ایوان بالا مدام جوان وڑاٹ محروم و پسماندہ تپہ غاتا حق اکن توار بڑزکرینے۔ اوپارے کہ ویل آتا ایسری، نیزگاری نا چٹفنگ و راجی شونداری نا قومی سوچ ءِ مون آ دروئی مریک۔ ورناچین اٹی کاروبار و کاروباری سرجزآتے اہمیت نا بارواٹی شعور تالان کننگ نا گرج ءِ۔
