اسلام آباد۔ 03 دسمبر (اے پی پی) بنجائی وزیر ڈٹ بندی شونداری و خصوصی گام گیج اسد عمر نا کماشی ٹی گریٹر کراچی واٹر سپلائی پروجیکٹ(K-IV) ٹی پیش رفت آ گپ وتران کننگ کن دیوان اس اڈ تننگا۔ پنچ شنبے نادے آ مروک آ دیوان اٹی ایم این اے نجیب ہارون، چیئرمین واپڈا، چیئرمین، پی اینڈ ڈی حکومت سندھ، وزارت آبی وسیلہ و سینئر عہدیدار آک بشخ ہلکر۔ چیئرمین واپڈا ڈٹ انا فزیکل و مالی پیش رفت، ڈٹ آن وابستہ امور و ڈٹ آتیا عملدرآمد کن المی فیصلہ غاتون اوار سرجم بست وبند آتا بابت دیوان ءِ معلومدار کرے۔ فیصلہ کننگاکہ ایکسیکیوشن ایجنسی نا بدلی نا سمری ءِ ایکنک آ گدریفنگک تانکہ واپڈا باضابطہ وڑاٹ داپروجیکٹ ءِ سنبھالنگ کے۔ مستی میٹنگ اٹ واپڈا ءِ تکنیکی معاملہ غاتیا نظرثانی کننگ و حتمی فیصلہ کن مون آ دننگ کن زوت آن زوت سلاہکار/کنسلٹنٹ نا خذمت دوئی کننگ نا پارت کننگا۔ ہراڑآ نظرثانی مروک پی سی ون مریک۔ دیوان اٹی سندھ حکومت ایلو ڈغار تا دوئی کننگ ءِ زوت آن زوت پورو کننگ نا باوری کرفے۔ دیوان اٹی دا ہیت آ زور شاغنگاکہ کراچی ٹی دیر انا کمتی ءِ ہنداخاطرآن دا ڈٹ ءِ ترندی اٹ پورو کننگ نا گرج ءِ و داٹی اوار غٹ ایجنسیک دا ڈٹ ءِ اولیتی بنداو تیا پورو کننگ کن سنبرینگوک ءُ۔ دیوان اٹی واپڈا ءِ گوہیڈ تننگاکہ او کنسلٹنٹ ءِ زوت آن زوت ہائیر کرسا ٹیکنیکل باندات آتیا نظرثانی کرسا حتمی سلاہ ہراڑآ ریوائزڈ پی سی ون جوڑ مریک۔ دیوان اٹی دا ہیت آ زور شاغنگاکہ کراچی ٹی دیر انا کمتی نا رداٹ دا ڈٹ ءِ ترندی اٹ پورو کننگے و غٹ تعلقدار ادارہ غاک دا ڈٹ ءِ اولیتی وڑاٹ پورو کننگ کن سنبرینگوک ءُ۔
