کوئٹہ۔ 03 دسمبر (اے پی پی) وزیر خزانہ بلوچستان ظہور احمد بلیدی میر ظفراللہ خان جمالی نا کزیت آ ہڑزخواہی کرسا پارے کہ ایماندار پاکستان تون مہرو مریبت کروک جمہوریت پسند راہشون اس ئس۔ پنچ شنبے نادے آ تینا ہڑزخواہی بیان اٹی اوپارے کہ میر ظفراللہ خان جمالی نا کزیت پاکستان و جمہوریت کن بھلو نسخان اسے۔ ایماندار اسہ زیرک سیاستدان و پرخلوص شخصیت اسے نا حامل ئس، وزیر خزانہ پارے کہ میر ظفراللہ جمالی نا بخشش و درجہ غاتا بڑزی کن دعا کیوہ۔ اللہ تعالیٰ خاہوت و پدسلوک آتے صبرو جمیل عطاء کے۔
