اسلام آباد۔3دسمبر (اے پی پی):پاکستان سیٹیزن پورٹل ءِ دو سالی وھد ءِ سرجم بوھگ ءِ پد ءَ ایشی کار کرد ءَ را الس ءِ دیم ءَ پیش کنگ ءِ پیسلہ کنگ بوتگ۔ پنچ شمبے ءِ روچ ءَ پرائم منسٹر پرفارمینس ڈیلوری یونٹ ءِ نیمگ ءَ جاڑی بوتگیں جار ءِ رد ءَ پاکستان سیٹیزن پورٹل انتظامیہ مزن وزیر عمران خان ءَ را مرچی (آدینگ) ءِ روچ ءَ کار کرد ءِ ھوالگ ءَ یک ٹوھیں رپوٹ ءِ پیش کنت انت۔ 28 اکتوبر 2018 ءَ جوڑ کتگیں پاکستان سیٹیزن پورٹل راجی ءِ ایوک ءَ نہ انت بلکینگ ءَ میاں اوستمانی تک ءَ ایش دلگوش ءِ بنجاھ جوڑ انت۔ 25 لکھ ءَ چہ گیش ایشی رجسٹرڈ ممبر انت ءُ 20 لکھ ءِ نزیک ءَ شکاست آنی گیواری ءِ گوما پورٹل ایپ السی تک ءَ سک باز نامدار بوتگ۔ 2 سال سرجم بوھگ ءِ پد ءَ مزن وزیر عمران خان مراگش ءَ گوں گشتانک دنت انت۔ یات دارگ بہ بیت کہ پاکستان سیٹیزن پورٹل ایپ ءِ وسیلگ ءَ 8913 سرکاری محکمہ الس آناں یک شلی ءَ پسو کن انت۔
