اسلام آباد۔2دسمبر (اے پی پی): بنجاھی وزیر اقتصادی کار مخدوم خسرو بختیار ءَ گوشت کہ گوستگیں دو سال ءَ چہ چین پاکستان اقتصادی راہداری ءِ چیر دستی ءَ جتا جتائیں منصوبگ آناں ترندی ءَ گوں سرجم کنگ بوھگ ءَ انت۔ آئی ءَ اے گپ چار شمبے ءِ روچ ءَ ادا پاکستان ءَ چین ءِ نوکیں پوسٹ بوتگیں سفیر نونگ رونگ ءَ گوں گند ءُ نند ءَ کت۔ گند ءُ نند ءَ پاکستان ءُ چین ءِ نیام ءَ اقتصادی شوبگ آنی تہ ءَ کمک ءُ سی پیک ءِ ھوالگ ءَ سیادی داروکیں کار آنی سر ءَ ھیال ریچی کنگ بوت۔ بنجاھی وزیر ءَ گوشت کہ کورونا وائرس ءَ گوں گر ءُ چیل بوھگ ءِ وستہ چین ءِ نیمگ ءَ چہ کمک کنگ ءِ پد ءَ گوں دل ءِ جھلانک آں آئی شگر ءُ منت وار آں۔
