پوسکن آپاکستان سرٹیفیکیٹ انکم ٹیکسس آرڈیننس 2001 نا رداٹ آلہ وام انا زمرے ٹی بریک، ترجمان ایف بی آر

اسلام آباد۔ 02 دسمبر (اے پی پی) فیڈرل بورڈ آف ریونیو (ایف بی آر) پارینے کہ پوسکن آ پاکستان سرٹیفکیٹ انکم ٹیکسس آرڈیننس 2001نارداٹ آلہ وام انا زمرہ ٹی بریک۔ چارشنبے نادے آ داڑے جاری بیان اسے ٹی ایف بی آر نا ترجمان ہندی انگریزی ہڑدے ئی اسے ٹی پوسکن آ پاکستان سرٹیفکیٹ نا بابت شینک مروک آ خبر نا وضاحت ءِ کرسا پارے کہ اسٹیٹ بینک آف پاکستان نا کنڈآن جاری کروک نیا پاکستان سرٹیفکیٹ انکم ٹیکسس آرڈیننس 2001نا ارٹ میکو شیڈول نا حصہ دوئم نا شق 5 اے اے نا رداٹ آلہ قرض انا زمرہ ٹی بریک۔ اوپارے کہ پوسکن آ پاکستان سرٹیفکیٹ نا حالیت اٹ وام آ کٹیا آ 10 درسد خراج بیٹ مریک ہراکہ حتمی خراج مریک۔ اوپارے کہ داوڑنا غیر اقامت پذیر بندغ ہرا وام آ دوئی کروک کٹیا غا خراج کٹوتی پاش کیر اوفتے بیرہ دابنا آ خراج گوشوارہ فائل کننگ نا گرج اف۔ ترجمان پارے کہ خراج آ رعایت بیرہ غیر اقامتی بندغ آتیکن ءِ۔